MNS Karelii vystaviła rachunak biełaruskim turystam, jakich ratavalniki šukali ŭ tajzie na praciahu amal tydnia, — 1,5 miljona rasijskich rubloŭ. Takaja infarmacyja była ahučana 2 žniŭnia ŭ prahramie «Panarama» Pieršaha nacyjanalnaha telekanała.
Nahadajem, viečaram 1 žniŭnia ratavalniki znajšli troch turystak, jakija zabłukali ŭ tajzie 27 lipienia. Jany byli ŭ składzie biełaruskaj hrupy, što spraŭlałasia pa race Niuchča. Pavodle źviestak rehijanalnaha ŭpraŭleńnia MNS pa Karelii, bajdaračnic adpravili ŭ Centralnuju rajonnuju balnicu horada Siehieža, što raźmieščany ŭ 260 km na poŭnač ad Pietrazavodska, dzie jany prajšli abśledavańnie.
Ranicaj 2 žniŭnia paviedamlałasia, što znojdzienyja turystki źbirajucca dadomu. Adnak viečaram źjavilisia inšyja źviestki. Jak paviedamiła «Panarama», jany źbirajucca praciahvać pachod i iści dalej sa svajoj hrupaj pa vybranym maršrucie.
«Panarama» pryvodzić vytrymku z telefonnaj razmovy z adnoj z vyratavanych — Volhaj Radkievič. Turystka skazała: «Vielmi dobra my siabie adčuvajem. I fizična, i maralna. Psichičnych taksama nijakich adchileńniaŭ niama, usio ŭ paradku. My byli ŭtroch, trymalisia, dapamahali adna adnoj, hreli adna adnu. Tamu vielmi dobra siabie adčuvajem. My ščaślivyja».
