16 žniŭnia a 15-j na sajcie «Tuzin hitoŭ» padviedzienyja vyniki hadavoha hit-paradu. Najlepšyja pieśni vyznačalisia hałasavańniem słuchačoŭ u internecie. Najbolš hałasoŭ (1154) nabrała pieśnia N.R.M. «Miensk i Minsk».
Cikava, što i na trecim mieście — pieśnia pra Miensk. Heta «Schavanaje serca»hurtu «IQ48» na słovy Michała Anempadystava. Dvanaccać najlepšych piesień hodu, vyznačanych słuchačami «Tuzinu», vyjduć asobnym dyskam.
«Miensk i Minsk»
- Darahija minčanie i hości stalicy,
Ja chaču z vami bolem svaim padzialicca.
Karaciej, heta brydka, ale se la vi,
My ŭ stalicy žyviem niby na dźvie siamji.
- My žyviem adnačasova ŭ dvuch haradach,
Padvajeńnie asoby zryvaje nam dach,
Hety fakt pastupova zryvaje nam dach,
Dyk niaŭžo ž nam nikoli nia skleić, nia sšyć
Miensk i Minsk – dźvie pałovy staličnaj dušy.
- Pieršy horad, jaki nazyvajecca Miensk,
Nie ubačyš na mapach, u hetym i sens,
Jon u sercy žyvie, jon žyvie ŭ hałavie,
Šmat taho, chto u horadzie Minsku žyvie,
A ŭ Minsku prapiska i harvykankam,
I Ladovy pałac, i betonny parkan,
I dziacinstva majho pramilhnułyja dni,
Zrujnavanych damoŭ ścieny pryvidnyja.
- Jość u Minsku nazovy biazradasnyja,
Jość Kalektarnaja, a jość Bazisnaja
Tam narod zabiaśpiečvaje, pravilny naš,
Vykanańnie zadačy pastaŭlenaje.
A pa Miensku pryjemna špacyravać,
Drobnych kramak vitryny ŭtulna harać,
Tam śpičastyja viežy kaściołaŭ starych,
I dachoŭka na strechach, dvary i mury.
- Usio błytajecca ŭ Minsku: chleb i maca,
I Vialiki Kastryčnik, i Radaŭnica,
I pjanaja ślaza, i takaja papsa,
Što ratunku nia daść ni “Mizim”, ni “Upsa” .
Nu a ź Mienskam ničoha nia možna zrabić,
Niemahčyma jaho zrujnavać, zachapić,
Jon nikoli, tvoj Miensk, nie pamre, nie zharyć,
Budzie movaj tvajoju z taboj havaryć.
- My žyviem adnačasova ŭ dvuch haradach,
Padvajeńnie asoby zryvaje nam dach,
Hety fakt pastupova zryvaje nam dach,
Dyk niaŭžo ž nam nikoli nia skleić, nia sšyć
Miensk i Minsk — dźvie pałovy staličnaj dušy.
0
0
0
0
0
0
