U minułuju sieradu ŭ Babrujsku źnik vučań 5‑ho kłasa SŠ №6. U vyniku aperatyŭna‑vyšukovych mierapryjemstvaŭ byŭ zatrymany 14‑hadovy vučań 8‑ha kłasa hetaj ža škoły, a cieła paciarpiełaha ŭ niadzielu było znojdziena ŭ vadajomie pablizu aŭtamabilnaha masta cieraź Biarezinu. Na ciele dzicionka jość ślady źbićcia.
Pavodle papiaredniaj versii, cieraź dzień paśla zabojstva padazravany patelefanavaŭ maci chłopčyka i zapatrabavaŭ 3 tysiačy dalaraŭ vykupu. Jak miarkujuć śledčyja, vaśmiklaśnik daviedaŭsia pra toje, što siamja źnikłaha nadaŭna pradała dom.
Jaŭhien Kavalonak, načalnik upraŭleńnia kryminalnaha vyšuku UUS Mahijołŭskaha abłvykankamu skazaŭ:
«My chacieli znajści chłopčyka žyvym. Jamu ŭsiaho tolki 10 hod. Tamu ŭsie mahčymyja srodki vykarystoŭvalisia. Padletak, jaki padazrajecca ŭ ździajśnieńni złačynstva, ciapier zatrymany i znachodzicca ŭ Babrujskim izalatary časovaha zatrymańnia. Jon starajecca ŭniknuć adkaznaści, i na kantakt sa śledztvam idzie vielmi ciažka. Tak što nam budzie vielmi ciažka dakazać jahonuju vinu».