U Breście na słupach źjavilisia listy z proźviščami milicyjantaŭ, jakija zatrymlivali aktyvistaŭ demsiłaŭ. Źjavilisia taksama ŭlotki z partretami Paŭła Sieviarynca i łozunhi «Svabodu Sieviaryncu!». Ludziej na vulicach zaklikajuć padtrymać aktyvistaŭ demakratyčnych siłaŭ, sudy nad jakimi pačnucca nieŭzabavie.
«My raspačynajem infarmacyjnuju kampaniju i ličym, što heta biesprecedentnyja padziei. Udzielniki i arhanizatary ŭcisku na moładź musiać być viadomyja žycharam Bresta», — adznačyŭ namieśnik staršyni Ruchu «Za Svabodu» Juraś Hubarevič.
Da infarmacyjnaj kampanii ŭ Breście buduć dałučacca i palityki ź Minsku.
Nahadajem, 19 žniŭnia ŭ Breście było zatrymana kala 40 aktyvistaŭ demakratyčnaha ruchu prysutnych na prezientacyi knihi Paŭła Sieviarynca «Listy ź lesu». Paŭła Sieviarynca, prychilnika Ruchu «Za Svabodu», siabra arhkamiteta BCHD, pakarali 15 sutkami administracyjnaha aryštu. Astatnich zatrymanych jašče čakaje sud.
