Pradstaŭniki hramadskaha arhkamiteta pa ušanavańni pamiaci achviar stalinskich represij źviarnulisia da prezidenta Ukrainy Viktara Juščanki z prośbaj dać adpaviednyja daručeńni kampietentnym słužbam pa praviercy viersii ab zabojstvach ukrainskich hramadzian pad Homielem u davajennyja hady.
U zvarocie zaznačajecca, što sioleta pad Homielem znojdzieny i raskapany niezarehistravanyja mahilniki. "Pavodle śviedčańniaŭ miascovych žycharoŭ, tam pachavany achviary stalinskich represij. Jość infarmacyja, što ŭ hetych miaścinach enkavedzisty rasstrelvali nie tolki biełaruskich hramadzian, ale i žycharoŭ Čarnihaŭskaj vobłaści USSR, pryviezienych pa čyhuncy ŭ miastečka Novaja Bielica, jakoje zaraz uvachodzić u miežy Homiela. Na žal, biełaruskija ŭłady nie dajuć biełaruskaj hramadskaści anijakaj infarmacyi pra toje, što rabiłasia ŭ navabielickich lasach u hady Vialikaha teroru", - havorycca ŭ zvarocie.
Siarod jaho padpisantaŭ sustaršynia arhkamiteta piśmieńnik Vasil Jakavienka, sakratar arhkamiteta Uładzimir Ramanoŭski, historyk Anatol Vałachanovič, mastak Mikoła Kupava, staršynia Biełaruskaha dobraachvotnaha tavarystva achovy pomnikaŭ historyi i kultury Anton Astapovič i hramadski dziejač Viačasłaŭ Siŭčyk.
