 Vadzim Hihin |
Žurnalistka vydańnia spytała pieršaha sakratara Minskaha haradskoha vykankama Biełaruskaha respublikanskaha sajuza moładzi Vadzima Hihina pra jahonych ŭlubionych histaryčnych piersanažaŭ.
Jon nazvaŭ Aktavijana Aŭhusta, de Hola, Piatra Pieršaha. A jašče hałoŭny minski BRSMaviec vyłučyŭ dziejača, jaki ŭ historyi Biełarusi pakinuŭ čorny śled:
 Michaił Muraŭjoŭ |
«Moža, niekalki niestandarty vybar, ale mnie zaŭsiody impanavaŭ vilenski hienerał‑hubernatar Michaił Mikałajevič Muraŭjoŭ, jaki padaviŭ paŭstańnie 1863 h. Ale ja dobra vyvučyŭ jaho bijahrafiju. Heta byŭ nadzvyčajny čałaviek, administratar, kiraŭnik, jaki moža słužyć prykładam dla luboha dziaržaŭnaha dziejača».
Ale ŭ Biełarusi jaho nazyvali i nazyvajuć Muraŭjoŭ‑Viešalnik. Takuju mianušku jon atrymaŭ paśla adkazu na adno pytańnie.
Kali Michaił Muraŭjoŭ staŭ na čale Hrodzienskaj hubiernii, u jaho zapytali pra toje, ci nie svajak jon paviešanamu «dziekabrystu» Maraŭjovu‑Apostału. Adkaz byŭ taki: ja pachodžu nie z tych Muraŭjovych, jakich viešajuć, a z tych, chto viešaje. Viadomy jon i vysłoŭjem «Čto nie dodiełał russkij štyk — dodiełajet russkaja škoła».
