 |
Dziaržpakiet akcyjaŭ «Mienskaha hadzińnikavaha zavodu «Łuč» mohuć pradać zamiežnamu investaru, paviedamiŭ žurnalistam namieśnik ministra ekanomiki Biełarusi Aleh Mielnikaŭ.
Na dadzieny momant pravodzicca analiz usioj papiaredniaj dziejnaści pradpryjemstva, utvoranaja aficyjnaja hrupa, jakaja vyznačaje nakirunak jaho nastupnaha raźvićcia. U jakaści mahčymaha varyjantu azdaraŭleńnia pradpryjemstva razhladajecca prodaž jaho zamiežnamu investaru. Namieśnik ministra padkreśliŭ, što spačatku patrebna znajści takoha investara i prapanavać jamu peŭnyja ŭmovy, naprykład, zachavańnie pracoŭnych miescaŭ.
Aleh Mielnikaŭ padkreśliŭ, što datyčna ŭstojliva stratnych pradpryjemstvaŭ bankuructva budzie ŭžyvacca ŭ samym skrajnim vypadku. Najpierš uvaha budzie nadavacca mierapryjemstvam dasudovaha azdaraŭleńnia.
Nahadajem, što ŭ žniŭni biahučaha hodu byli pradadzienyja dziarždoli akcyjaŭ kampanii mabilnaj suviazi VELCOM, AAT «Motavieła», AAt «Biełvyličtechnika».
Eksperty źviazvajuć hetuju chvalu prodažaŭ dziaržaŭnych akcyjaŭ z mahčymymi ciažkaściami pry raźliku za rasiejskija enerhanośbity.
