 |
Minskija ŭłady dazvolili hramadskamu abjadnańniu «Pierśpiektyva» pravieści 10 vieraśnia a 12‑j hadzinie mitynh na płoščy Banhałor. Indyvidualnyja pradprymalniki majuć namier źviarnuć uvahu ŭładaŭ na svaje prablemy.
Voś što kaža pra mety akcyi kiraŭnik «Pierśpiektyvy» Anatol Šumčanka:
«My damahajemsia, kab nas pačuli. Faktyčna, hetym mitynham «Pierśpiektyva» damahłasia, što pradprymalnikam ułady dajuć słova».
Nahadajem, indyvidualnyja pradprymalniki pratestujuć suprać dvuch prezidenckich ukazaŭ. Adzin ź ich dazvalaje pryciahvać u jakaści najomnych pracaŭnikoŭ tolki blizkich svajakoŭ, pavodle druhoha jany musiać stvarać pryvatnyja ŭnitarnyja pradpryjemstvy.
Anatol Šumčanka ličyć hetyja ŭkazy «nieprymalnymi dla pradprymalnikaŭ» i spadziajecca, što ich hołas pačuje Łukašenka.
