Miortvaje voziera moža pamierci 1

Miortvaje voziera

U voziery la vioski Sasnoŭka ŭ Śvietłahorskim rajonie ni ŭ hłybini, ni na pavierchni niama nijakich prykmiet žyćcia, navat kazurak i apałonikaŭ. A ŭ sezon žuravinaŭ u lesie nia znojdzieš ni kamaroŭ, ni zajedzi.

Tutejšyja žychary kažuć, što navat čarody pieralotnych ptušak abminajuć voziera. A jašče pa načach tut chodzić ścień kniahini‑raspuśnicy. A na samym dnie staić vioska j carkva.

Jość i navukovaja versija ŭźniknieńnia Miortvaha voziera. Na dumku daśledčykaŭ, jano ŭźnikła ŭ epochu rastavańnia ledavikoŭ i ciapier na miažy vymirańnia. Voziera siłkujuć tolki apadki j bałota, jakoje znachodzicca na dnie. A tamu nieŭzabavie Miortvaje voziera pieratvorycca ŭ zvyčajnuju dryhvu.

A čamu tut biezžyćciovaja vada, labaranty homielskaha vodakanału vyśvietlili ŭsiaho za try hadziny. Ryby ŭ voziery dakładna niama, tamu što vada nasyčanaja sieravadarodam i vyłučajecca pavyšanaj kisłotnaściu. Z‑za hetaha raślinnaść nadzvyčaj biednaja i tym ža karasiam niama čaho jeści.

Pavodle ATN

0

0

0

0

0

0