 Jarasłaŭ Hryščenia |
12:00 Druhi dzień pracesu nad Jarasłavam Hryšyeniem. Prakuror paprasiŭ pakarać aktyvista 1 hodam turmy ŭmoŭna.
13:40 Jarasłaŭ Hryščenia pryznany vinavatym, jamu prysudžany štraf pamieram 30 bazavych vieličyń (930 tys. rubloŭ). Jarasłaŭ Hryščenia ŭ zaklučnym słovie žartam paprasiŭ, kab jaho rasstralali.
U Baranavičach raspačaŭsia sud nad Jarasłavam Hryščeniem. La budynku sabralisia kala paŭsotni čałaviek, siarod ich viadomyja biełaruskija palityki i moładzievyja aktyvisty. Adnak bolšaść z sabranych nie zmahła patrapić u zalu, bo dla pracesu vyłučyli vielmi maleńkaje pamiaškańnie, da taho ž značnaja častka jaho była zahadzia zaniataja.
Nahadajem, Jarasłava Hryščeniu abvinavačvajuć u parušeńni artykułu 193 KK «Udzieł u niezarehistravanaj arhanizacyi». Jon užo dziaviaty «maładafrontaviec», jaki paŭstanie pierad sudom pa hetym artykule.
09:54 Tyja, kamu nie chapiła miesca ŭ zali, pačali akcyju padtrymki pad voknami sudu. Aktyvisty razharnuli raściažku “Zaraz nie 1937-my”, uźniali maładafrontaŭski ściah. Hučać lozunhi «Svabodu Hryščeniu», «Hańba!».
Baranavickaja milicyja papiaredžvaje pra niezakonnaść dziejańniaŭ pratestoŭcaŭ.
09:59 Pačalisia zatrymańni bajcami siłaŭ specyjalnaha pryznačeńnia. Ludzi ŭ čornaj formie ŭziali ludziej u kalco, vyciaśniajuć ad budynku sudu i adnačasova vychoplivajuć pa adnym aktyvistaŭ i zavodziać u mikraaŭtobus «HAZiel».
10.03 Zatrymanyja kala dvuch dziasiatkaŭ čałaviek, siarod ich Pavał Sieviaryniec, Źmicier Chviedaruk, Ivan Šyła, fotaaŭtar «Našaj Nivy» Arsień Pachomaŭ.
10.25 Udakładnienaja ličba zatrymanych — 22 čałavieki. Siarod ich dva fotakarespandenty Viktar Dračoŭ (AFP), Vasil Fiadosienka (Reuters).
Viadomyja taksama proźviščy nastupnych zatrymanych: Akopaŭ, Bułanava, Zdruk, Kisiel, Klujeŭ, Krapivina, Kurza, Miljajeniec, Pachomaŭ, Rubiełka, Sałaŭjova, Sapućka, Sieviaryniec, Silucič, Smalančuk, Uścinovič, Chviedaruk, Šapućka Hanna, Šapućka Taciana, Šyła. Usiaho zatrymanyja 22 čałavieki.
13.15 U pasiedžańni abvieščany pierapynak da 14.30. Da hetaha času zasłuchali pakazańni častki śviedkaŭ i samoha Jarasłava Hryščeni.
Tym časam, z RUUS nikoha nie adpuskajuć, navat niepaŭnahadovaha Ivana Šyłu. Na zatrymanych skłali pratakoły za parušeńnie praviadzieńnia masavych akcyj.
15:07 Pačaŭsia razhlad administracyjnych spraŭ zatrymanych ranicaj la Baranavickaha sudu moładzievych aktyvistaŭ. U sud pryvieźli siem čałaviek: siarod ich Pavał Sieviaryniec, Aleś Mieljaniec i Ivan Šyła, jakoha, niahledziačy na toje, što niepaŭnaletni, nie adpuścili.
Miž tym, fotakarespandentaŭ adpuścili.
15:32 Na sudzie nad Jarasłavam Hryščeniem abvieščany čarhovy pierapynak. Miarkujecca zasłuchać pakazańni jašče adnaho śviedki -- učastkovaj pa spravach niepaŭnaletnich sp-ni Varaksy. Niekali Jarasłaŭ Hryščenia pry joj pisaŭ zajavu ab vychadzie z «Maładoha frontu». Ale adbyłosia toje u adsutnaść baćkoŭ.
16:26 Vynikaje, što siońnia buduć sudzić adnaho Sieviarynca, pakolki astatnim pozvy ŭ sud vypisanyja na 18 - 25 vieraśnia. tym nia mienš nikoha pakul nie adpuskajuć. Uładzimier Šyła chadziŭ u pastarunak, kab adpuścili syna Ivana ale jamu skazali, što zahad usich adpuścić jość. Ale "čamuści" nikoha nie adpuskajuć.
17:00. Paŭła Sieviarynca sudzili pavodle troch artykułaŭ administracyjnaha kodeksa. 1. «Drobnaje chulihanstva» -- jak skazali śviedki, «Pavał śviścieŭ u śvistok». 2. Arhanizacyja i praviadzieńnie niesankcyjanavanaj akcyi. 3. Niepadparadkavańnie milicyi.
Sudździoj pa administracyjnaj spravie vystupała sp-nia Ž. Kapačeŭskaja, śviedkami: miascovy milicyjant major Stolar i bajcy PMNS ź Bieraścia Sałanievič i Škutovič. Adzin sa śviedkaŭ zajaviŭ, što Pavał nadta ŭžo vyryvaŭsia z mocnych milicejskich abdymkaŭ. Kali jaho zapytali, a čaho ž nia vyrvaŭsia, to zadavolena adkazaŭ: "Dyk ja ž silny!"
Prysud Paŭłu budzie abvieščany niedzie paśla 17:30. Usich zatrymanych siońnia la budynku sudu paadpuskali z paviestkami ŭ sud na nastupny tydzień
17:47 Praces nad Jarasłavam Hryščeniem praciahniecca zaŭtra. Buduć razhledžanyja rečavyja dokazy, apytańnie pazastałych śviedkaŭ, projduć sudovyja sprečki.
