Uładzimier Kanaploŭ |
Žadańnie syści z pasady staršyni pałaty pradstaŭnikoŭ nacyjanalnaha schodu jon matyvavaŭ stanam zdaroŭja i niemahčymaściu ŭ suviazi z hetym vykonvać svaje abaviazki na byłym uzroŭni, paviedamlaje BiełTA.
Zajava Kanaplova budzie razhledžana na nastupnaj sesii pałaty pradstaŭnikoŭ, što adkryjecca 2 kastryčnika. Tady i stanie viadoma imia jahonaha pieramnika.
Siarhiej Skrabiec miarkuje, što adstaŭka Kanaplova vymušanaja i źviazanaja z tymi pasłuhami, jakija jon akazvaŭ biznesoŭcam:
«Heta toje ž, što było kaliści ź Ciciankovym, Žuraŭkovaj dy niekatorymi inšymi asobami ź blizkaha atačeńnia kiraŭnika dziaržavy. Tut prosta dajšła čarha i da Kanaplova, i da tych biznesoŭcaŭ, jakija karystalisia z dobrych ź im dačynieńniaŭ. Tamu pieršaje — heta karupcyja», - zajaviŭ jon u interviju radyjo Svaboda.
* * *
Uładzimier Kanaploŭ naradziŭsia ŭ adzin hod z Łukašenkam: 3 studzienia 1954 h. u v. Akulincy Mahiloŭskaha rajonu. Skončyŭ Mahijoloŭski pedinstytut, pavodle adukacyi ‑‑ hieohraf.
Pracoŭnuju dziejnaść pačaŭ vychavalnikam u Škłoŭskaj škole‑internacie, słužyŭ va ŭzbrojenych siłach, pracavaŭ inspektaram pa spravach niepaŭnahadovych UUS Škłoŭskaha rajvykankama.
U 1994—1996 hh. — hałoŭny pamočnik prezydenta Respubliki Biełaruś. Vybiraŭsia deputatam Viarchoŭnaha Savietu Respubliki Biełarusť 13‑ha sklikańnia, byŭ členam prezydyjuma Viarchoŭnaha Savietu, kiraŭnikom deputackaje hrupy «Zhoda», namieśnikam staršyni Pałaty pradstaŭnikoŭ Nacyjanalnaha schodu pieršaha i druhoha sklikańnia.
Ź listapada 2004 . — byŭ staršynioj pałaty pradstaŭnikoŭ treciaha sklikańnia.
Uładzimier Kanaploŭ uznačalvaje Biełaruskaje adździaleńnie Mižnarodnaha fondu adzinstva pravasłaŭnych narodŭ, Biełaruskuju federacyju handbołu.
Žanaty, maje dvuch synoŭ.