Usich ich pryznali vinavatymi i asudzili pa adnym artykule 356 č.1. KK «Zbor i pieradača zamiežnaj dziaržavie źviestak pa zadańni zamiežnaj vyviedki ŭ stratu intaresam RB». Uładzimier Ruskin taksama byŭ pryznany arhanizataram hetaj špijonskaj sietki. Jon i atrymaŭ bolš za astatnich — 10 hadoŭ pazbaŭleńnia voli. Načalnik raźviedki štabu adnoj z zenitna‑rakietnych bryhad Viktar Bohdan asudžany da 9 hadoŭ turmy, vajskoŭcy Siarhiej Karnialuk i Pavał Piatkievič — da 7 hadoŭ źniavoleńnia. Taksama ich usich pazbavili aficerskich zvańniaŭ. Jašče adzin fihurant spravy — rasiejec Jurenia — pryjšoŭ z pakajańniem u FSB Rasiei.
Pra špijonski skandał stała viadoma ŭ lipieni, kali pra heta ŭ efiry telekanału ANT paviedamiŭ namieśnik staršyni KDB Viktar Viahiera. Sudovy praces pačaŭsia 4 vieraśnia pry začynienych dźviarach. Prahnazavałasia, što prysud budzie abvieščany na dva dni raniej, ale adkrylisia novyja materyjały spravy.Usie asudžanyja buduć adbyvać pakarańnie ŭ kalonii ŭzmocnienaha režymu.
