 |
Pra nieabchodnaść raspracoŭki prahramy budaŭnictva rovarnych darožak u Miensku zajaviŭ na aperatyŭnaj naradzie ŭ Mienharvykankamie mer horadu Michaił Paŭłaŭ.
Ruch na rovary stanovicca papularnym u bahata jakich krainach śvietu, adznačyŭ Michaił Paŭłaŭ, i Biełaruś — nie vyniatak. U Miensku vyznačanyja j raźlinavanyja chodniki, pa jakich mohuć jeździć ravarysty. Aproč taho, zaviaršajecca prajektavańnie rovarnaj trasy daŭžynioj 27 kilametraŭ. Jana projdzie praz uvieś horad uzdoŭž raki Śvisłač. Pavodle słoŭ kiraŭnika horadu, pa vieładarožcy mieścičy zmohuć jeździć nia tolki na rovarach, ale i na rolikavych kańkach i łyžerolerach, a zimoj — na łyžach. Pabudova trasy pačniecca ŭ nastupnym hodzie. Adnak adnoj takoj rovarnaj trasy dla Miensku niedastatkova, miarkuje mer. Nieabchodnaja kompleksnaja haradzkaja prahrama, jakaja praduhledzić budaŭnictva nia tolki rovarnych darožak, ale j abjektaŭ infrastruktury, u tym liku punktaŭ prakatu rovaraŭ u kožnym rajonie stalicy.
