 Siarhiej Suško |
Nasielnictva musiła sioleta apłočvać vydatki za pasłuhi ŽKH na 41 %. Adnak, kaža namieśnik ministra žyllova-kamunalnaj haspadarki Siarhiej Suško, pa stanie na vierasień udałosia atrymać tolki 34 %.
U biahučym hodzie planavałasia, što nasielnictva kampensuje vydatki za pasłuhi ŽKH na 41 %. Adnak, pa słovach namieśnika ministra žyllova-kamunalnaj haspadarki Siarhieja Suška, pa stanie na vierasień udałosia atrymać tolki 34 %. Da kanca hodu adstavańnie ad zadańnia najchutčej nia budzie vykananaje, paviedamiŭ namieśnik ministra na pres-kanferencyi, pryśviečanaj padrychtoŭcy ŽKH Biełarusi da pracy ŭ asieńnie-zimovy peryjad 2007—08 h.
U Miensku pamier zapazyčanaści składaje 7 młrd rubloŭ, u cełym pa krainie praterminavanaja zapazyčanaść aceńvajecca ŭ 40 młrd rubloŭ.
Na siońnia narychtavana kala 32 tys. t. paliŭnaje mazuty, što składaje 65 % ad zadańnia. Nazapašana 759 tys.m/3 droŭ (60% ad planavanaha).
Jak zapeŭniŭ Siarhiej Suško, da kanca hodu kamunalniki narychtujuć paliva ŭ patrebnym abjomie. Da 2012 h. dola miascovych vidaŭ paliva ŭ paliŭna-enerhietyčnym balansie ŽKH pavinna skłaści da 50 %.
Sioleta aciaplalny sezon raspačniecca, jak i štohod, 15 kastryčnika. Vyklučeńnie tradycyjna składuć škoły, daškolnyja ŭstanovy i bolnicy.
Sp. Suško paviedamiŭ, što bližejšym časam nie čakajecca rezki rost taryfaŭ na pasłuhi ŽKH. Jon nie paćvierdziŭ raspaŭsiudžanuju niekatorymi ŚMI infarmacyju pra inicyjatyvu jaho viedamstva ab mahčymym padvyšeńni taryfaŭ ź 1 kastryčnika na 25 %: “Hetym zajmajecca Ministerstva ekanomiki”.
Havoračy pra vykanańnie Dyrektyvy № 3, namieśnik ministra zaznačyŭ, što na siońnia ličylniki vykarystańnia vady ŭstalavanyja ŭ 41% kvateraŭ, całkam planujecca ŭstalavać takija ličylniki ŭ 971 tys. kvateraŭ. Heta dazvolić skaracić vydatki na 15 %. U biahučym hodzie mierapryjemstvy pa ekanomii resursaŭ pavodle planaŭ dazvolać zekanomić kala 80 młrd. rubloŭ.
