Učora supracoŭnikami pravaachoŭnych orhanaŭ byli zatrymany šeść siabroŭ Abjadnanaj hramadzianskaj partyi, jakija razdavali žycharam horada hazietu «Svaboda Biełarusi». Siońnia hramadskich aktyvistaŭ sudzili pavodle artykułaŭ Administracyjnaha kodeksa.
Razdača haziet adbyvałasia na hrodzienskich rynkach i pryciahnuła ŭvahu nie tolki žycharoŭ horada, ale i milicyjantaŭ. Šeść siabroŭ Abjadnanaj Hramadzianskaj partyi byli zatrymany. U vyniku raźbiralnictva paśla kanfiskacyi vydańniaŭ čaćviarych aktyvistaŭ vypuścili, a kiraŭnika abłasnoj arhanizacyi Juryja Istomina i namieśnika kiraŭnika haradskoj arhanizacyi Andreja Januškieviča pakinuli na noč u pastarunku. Na hramadskich aktyvistaŭ skłali administracyjnyja pratakoły, pavodle jakich jany brydkasłovili ŭ hramadskich miejscach.
Siońnia adbylisia sudovyja pracesy, na jauich siabry AHP atrymali adpaviednyja pakarańni. Sud Leninskaha rajona Hrodna pakaraŭ Andreja Januškieviča štrafam u pamiery troch bazavych vieličyń. Juryj Istomin u sudzie Kastryčnickaha rajona atrymaŭ 5 sutak administaracyjnaha aryštu.
Ni Januškievič, ni Istomin nie pryznali siabie vinavatymi, a aryšt i štraf ličać palityčna matyvavanymi.
