U paniadziełak ranicaj naviedniki Kurapataŭ ubačyli, što la ŭvachodu va ŭročyšča paburany kryž «Pakutnikam Biełarusi». Praŭdapadobna, vandały pabyvali va ŭročyščy ŭ niadzielu.
Ihar Vaškievič, jaki žyvie pobač z Kurapatami, kaža, što jašče ŭčora bačyŭ niedaloka ad hetaha troch maładzionaŭ, ź plaškami piva ŭ rukach, jakija nieśli z saboj kalučy drot. «Tady mnie i padumałasia, što taki drot ja bačyŭ na kryžy va ŭročyščy, tamu siońnia z ranicy i pryjechaŭ siudy», — kaža Vaškievič.
 Ustalavańnie kryža «Pakutnikam Biełarusi» ŭ 1989 hodzie |
Aproč Ihara la pavalenaha kryža taksama staić aktyvist KCHP‑BNF Valer Bujvał, jon havoryć, što jašče ŭčora viečaram kryž stajaŭ na miescy. Ihar Vaškievič pakazvaje, što złamać kryž možna było tolki vielmi vialikaj siłaj, bo treba było razahnuć žaleznyja zamacavańni, ale ŭ niekaha mocy chapiła.
Zaŭvažajem, što čarhovy raz pavalenaja ŭ Kurapatach i «łava Klintana», ale Valer Bujvał kaža, što jaje ŭžo dosyć daŭno nia mohuć dobra zamacavać, tamu i takija zdareńni adbyvajucca peryjadyčna.
Štohod na Dziady siabry KCHP‑BNF ładziać žałobnaje šeście ŭ Kurapaty. Da sioletniaj akcyi čalcy partyi planujuć znoŭ adnavić kryž.
 |
 |
 |
 |
 |
