Pradstaŭniki haradzkich uładaŭ paviedamili, što nielha źbiracca na Kastryčnickaj płoščy i kala budynku Nacyjanalnaj biblijateki. Pavodle ich, heta moža stvaryć pahrozu hramadzkamu paradku, bo abodva miescy znachodziacca ŭ niepasrednaj blizkaści ad uvachodaŭ u metro.
Staršynia arhkamitetu praviadzieńnia Eŭrapiejskaha maršu Viktar Ivaškievič nie pahadziŭsia z zaściarohami ŭładaŭ nakont placoŭki kala biblijateki i spasłaŭsia na toje, što tam pravodziacca rehularna pravodziacca masavyja aficyjnyja mierapryjemstvy.
Razam z hetym zajaŭniki akcyi paviedamili, što mohuć źmianić miesca zboru — zamiest Kastryčnickaj płoščy buduć źbiracca kala skveru Janki Kupały, dzie niama ŭvachodu ŭ metro. Adtul jany projduć jak i planavałasia — praspektam Niezaležnaści da Nacyjanalnaj biblijateki.
Čynoŭniki paprasili na rozdum sutki i zaprasili zajaŭnikaŭ akcyi pryjści pa adkaz zaŭtra.
Na sustrečy prysutničaŭ namieśnik haradzkoha prakurora Alaksiej Stuk, a taksama načalnik upraŭleńnia idealahičnaj pracy Mienharvykankamu Hienadź Kurbieka.
