Inicyjatary "Eŭrapiejskaha maršu" sa strymanaj radaściu zahavaryli pra "mikradyjaloh". Mo' j rana radavacca, ale ž fakt toje, što naviersie sapraŭdy čuchajuć patylicu: što rabić z hetym čortavym šeściem? I zrazumieła, što čuchańnie adbyvajecca trochi vyšej, čym na ŭzroŭni meryi, kudy adrasavała aŭtaraŭ znakamitaha lista spn. Piatkievič.
Miasić manifestantaŭ dručkami pierad abjektyvami, na vačoch ambasadaraŭ dy zamiežnych haściej było b zusim nie hlamurna. Ad zboru na Kastryčnickaj zajaŭniki elehantna admovilisia. Tamu dazvolić kancentracyju ajčynnych praeŭrapiejcaŭ u rajonie skveru Janki Kupały było b, zdajecca, aptymalnym kampramisam. Abodva baki nibyta zachoŭvajuć fejs:)
Ale dla ŭładaŭ taki kampramis blizki da parazy.
Bo, pa-pieršaje, mnohich strymlivaje ad udziełu ŭ masavych akcyjach mienavita ryzyka dastać dručkom, patrapić na sutki — z usim šlejfam nastupnych niepryjemnaściaŭ na pracy, u instytucie i h.d. A kali nibyta "ŭžo možna" — manifestanty mohuć vyjści kudy bolej ščylnymi radami, čym zvyčajna. Kali nia hetym razam (spracuje inercyja), to nastupnymi. Džyna vuličnaj demakratyi tolki vypuści ź plaški!
Pa-druhoje, kampramis — heta ŭ pryncypie pieravod palityčnych apanentaŭ z razradu "šałudzivych ludziej" u bolej vysokuju katehoryju. Ćviordy "lichtarat" zašepčacca: baćka daŭ słabinu i ŭsio takoje…
Ale ž tak niedarečy znoŭ napinać stasunki z Eŭropaj akurat napiaredadni novaj bitvy za haz z Maskvoju!
Tak što jość ad čaho pačuchać patylicu.
Pačakajem da zaŭtra.
