 |
Amal adrazu była zhadka pra časy kiravańnia Šuškieviča i pra toje, jak tady rasiejcy siadzieli na čamadanach. «Adyści ad jadnańnia z Rasiejaj — palityčnaja maja śmierć. Hety sajuz važny dla nas u sfery ekanomiki, vajennaj, sacyjalnaj dla nas, dla rasiejcaŭ — heta taksama važna. My adzin narod. Vy možacie siudy pryjaždžać, zabyŭšy pašparty i dakumenty i vas tut dobra sustrenuć. Za haz my płacim i budziem płacić, ale tak nia robicca, kali ceny na haz pavyšajuć u 2,5 razy, kažučy, vyžyviecie — dobra, nia vyžyviecie… Nam Rasieja prapanoŭvaje kredyt na haz, ale na takich umovach, što my lepš voźmiem na Zachadzie. I my brali miljonnyja kredyty na Zachadzie, u japoncaŭ, u Kitaju, ale ž my vyžyli. Ciapier aktyŭna budujemsia i nie zharnuli nivodnaj sacyjalnaj prahramy ŭ Biełarusi».
«Ja daloki ad dumki, što apazycyja moža pryjści da ŭłady. Ale jany znachodziać padtrymku ŭ Rasiei — u tych kołach, jakija na duch nie pieranosiać ruskaha čałavieka».
«Kiraŭnictva Rasiei prosta nie hatovaje da narmalnych raŭnapraŭnych sajuźnickich adnosinaŭ».
«Asymetryčny adkaz Rasiei na raźmiaščeńnie amerykanskaj systemy PRA lažyć u płaščyni Biełarusi. Tak ja dumaju nia tolki pra Biełaruś, ale i pra sajuźnickija abaviazki, jak abaraniać tuju ziamlu, jakaja karmiła nas tannaj vuhlevadarodnaj syravinaj».
«Kraina, jakaja znachodzicca ŭ centry Eŭropy, pavinna vybudoŭvać dobryja adnosiny z susiedziami — Ukrainaj, Bałtykaj, Polščaj. Naša palityka šmatvektarnaja. Ale Rasieja — pryjarytet našaj zamiežnaj palityki. Nas nielha krytykavać za toje, što my sprabujem vybudavać dobryja adnosiny z Zachadam — heta absalutna naturalnaja źjava. Siońnia ŭžo my pradajom u Eŭrasajuz stolki, kolki nie pradajom u Rasieju, bo nas paprostu vykinuli z rasiejskaha rynku. U nas zaŭsiody byli dobryja adnosiny z eŭrapiejcami, da toj pary, pakul Biełaruś nie pačała budavać sajuz z Rasiejaj. Mianie nacyjanalistyčnyja ŚMI šmat papikali, što ja adpraŭlu biełaruskich chłopcaŭ u Čačniu. Na vulicu było niemahčyma prajści, ale ja nikoha nie adpraviŭ. My budziem pamirać za Rasieju, ale budziem pamirać tut, abaraniajučy jaje zachodnija miežy. Jak by pryniźliva ni hučała, ale ja prasiŭ Pucina nie padymać ceny na haz, adnak mianie nichto nie pasłuchaŭ… Prabačcie, nabalełaja tema. Ja pierakanany, što navat kali mianie nia budzie, to Prakapovič, Pralaskoŭski i inšyja buduć praciahvać palityku intehracyi z Rasiejaj».
«U nas vielmi dobryja adnosiny. Kaniečnie, nie takija dobryja, jak z Rasiejaj. U nas bliskučyja adnosiny na ŭzroŭni ludziej, pradpryjemstvaŭ, zavodaŭ. U hetym nia mohuć pieraškodzić ni Pucin, ni Łukašenka, ni Kučma, ni Janukovič siońnia. My pradajom va Ŭkrainu siońnia bolš, čym kuplajem. U nas vielmi dobryja adnosiny z Ukrainaj».
«Kali nie b rehijony Rasiei, to nijakaha sajuzu siońnia b užo nie było. U časy kiravańnia Jelcyna kinuŭ klič: davajcie ŭstaloŭvać narmalnyja adnosiny. I vašy hubernatary mianie padtrymali. Kankretnyja ludzi ŭ rehijonach vyratavali sajuz».
«U nas pjuć stolki, jak u vas. Ale ŭ nas dyscyplina bolš žorstkaja, tamu ludziej pad płatami i valajecca mienš. My ŭviali manapoliju na piva, tamu, kali da nas idzie niejkaja barmatucha, to tolki ad vas. My nie zabaraniajem reklamu piva, bo pić buduć usio adno, tamu niachaj lepš pjuć słabyja alkaholnyja napoi. Zmahacca z alkaholem prosta biessensoŭna. Ja absalutna nie raźbirajusia ŭ alkaholnych napojach, chacia nie skažu, što nia pju. Jak heta prezydent moža nia pić?! Chacia piva nie lublu, jano dla mianie horkaje i hidkaje. U majoj vioscy pili i palili ŭsie, ale ja chacieŭ stać futbalistam, bo viedaŭ, što jany nia pjuć i nia palać. Chacia ciapier viedaju, što i pjuć i kurać, i niabłaha hulajuć. Treba prosta rassłabicca, i pryniać jak naležnaje, i vypić časam trochu. U nas nie kraina ćviarozych, my navat Rasiei možam pakazać prykład, ale budziem zmahacca. Ja nia vieru, što my, rasiejcy, biełarusy i ŭkraincy, pierastaniem pić. Heta naša tradycyja, naš nacyjanalny nabytak».
«U nas nia vielmi dobryja adnosiny ź Japonijaj, bo ŭ nas adnolkavyja ekanomiki, tamu začapicca tam niama za što. Niama ź imi adnosin i ŭ palitycy ź japoncami, zatoje dobryja ŭ sfery medycyny. U nas bliskučyja adnosiny z Kitajem, Indyjaj. Hetyja krainy iduć da nas nasustrač. Niebłahija adnosiny ź Iranam. Chutka adbudziecca moj vizyt u Vijetnam. Zaprašajuć nas u Małajziju i Indaneziju. Azijacki vektar zamianiaje niedastatkovyja adnosiny z Eŭrasajuzam».
«Našto nam treba było jechać u Venesuełu zdabyvać naftu, kali b možna było zdabyvać jaje ŭ Rasiei? My b pajechali i ŭ Sibir, i na Daloki Ŭschod dabyvać naftu, kab na heta była vola rasiejskaha kiraŭnictva. My hatovyja sami siabie zabiaśpiečyć, vy tolki dazvolcie. Navošta rasiejcy paleźli na dno Bałtyki? Ciapier Estonija i Polšča ŭ luby momant moža blakavać hetaje budaŭnictva. Ciapier vy planujecie budavać usie trubapravody ŭ abychod Biełarusi. — heta biestałkovyja ničym nie abhruntavanyja ambicyi».
«U nas była pryniataja prahrama vyratavańnia vioski, toj ž treba rabić i Rasiei, chacia tam pacyjent chutčej nievylečny. U nas zastalisia kałhasy, chacia ŭžo siońnia čverć haspadarak pryvatyzavanyja. Navat Rasieja takim pachvalicca nia moža. Mnie ciažka havaryć z tymi, chto nia viedaje, što takoje ziamla. My stvaryli na vioscy faktyčna takija samyja ŭmovy, jak u horadzie. I ludzi z asałodaj tam žyvuć. Novyja fermy — heta sapraŭdnyja pałacy. Siońnia ty nia zojdzieš na fermu prosta tak, bo heta dom dla dajarki, jany atrymlivajuć tam 700-800 dalaraŭ. Viosku nia treba pieratvarać u horad, jana pavinna pachnuć ziamloj, a nie asfaltam. Sioleta prablemy ź zierniem byli ŭ Rasiei, Eŭropie, nas heta biada minavała. My navučylisia vyroščvać u siabie jakasnuju pšanicu. Mianie vielmi chvalavała prablema małaka i miasa, bo my šmat jaje vypuskajem i honim u Rasieju. Mnie dakładvajuć, što siońnia ŭ Miensku nie chapaje masła i małaka, bo idzie ŭ RF, Eŭropu, samim nie chapaje. Biaź vioski nia budzie ni Biełarusi, ni Rasiei».
«My zachavali ŭsiu systemu, jakaja zachavałasia ad Cavieckaha Cajuzu, bo byli pierakananyja, što nielha hetuju prablemu skidvać ź dziaržavy. Ciapier my hatovyja da zimy».
«SND nia stvorana dla cyvilizavanaha razvodu. Tam vyrašajucca nasamreč važnyja prablemy. SND budzie isnavać, u im buduć roznyja peryjady i dobryja, i nialohkija, jak ciapier, ale struktura zachavajecca. Usio zaležyć ad Rasiei. Ja pamiataju, jak Ševarnadze byŭ vymušany źviarnucca da amerykancaŭ, kab vyratavać svaich ludziej ad choładu. Rasieja nie dapamahła tady Hruzii ničym. Paśla hetaha i pačaŭsia adychod hetaj kaŭkaskaj krainy ad SND. I na Hruziju nielha kryŭdzicca. Nie na ruku Rasiei i hazavyja kanflikty ź Biełaruśsiu i Ŭkrainaj».
«Kalininhradzkaja vobłaść, prabačcie, — častka Biełarusi. Pryjaždžaje hubernatar hetaha rehijonu i prosić ziernia ci jašče čaho, i my dajom. Jašče ad savieckich časoŭ za Kalininhrad adkazvała Biełaruś. Tam žyvie 100 tysiač biełarusaŭ. My robim usio, kab u kalininhradcaŭ nie było prablemaŭ. Ja adkryvaŭ avijarejsy da Kalininhradu. My hatovyja rabić usio dla hetaha rehijonu. Ja b pryjechaŭ da vas u hości, ale čamuści Łukašenku ŭ Rasiei ŭ jakaści hościa niekatoryja vielmi chvaravita ŭsprymajuć čamuści».
«Ja ŭzhadvaju tyja časy, kali ŭ nas va ŭładzie byli nacyjanalisty. Jany havaryli tolki pra kulturu i biełaruskuju movu. Ja skončyŭ histfak i razumieju, što takoje kultura. U nas navat za savieckim časam nie było takoj biblijateki. Pamiataju navat, jak buldozer kapaŭ pieršuju tranšeju dla hetaha budynku. Ja razumieju, što, jak prezydent, ja musiŭ zrabić niešta dla kultury, što možna pamacać rukami. My ŭkładvajem ahramadnyja hrošy ŭ kulturnyja abjekty. Sa školnych prahram pa majoj inicyjatyvie byli vykinutyja ŭsie nacyjanalisty, tak zvanyja piśmieńniki. Rasiejskaja mova — heta nia vaša mova, a naša supolnaja. My nia možam admovicca ad rasiejskaj movy, choć tamu, što pa-biełarusku niama niekatorych terminaŭ u pryrodaznaŭčych dyscyplinach».
«U nas na siońniašni dzień niama nijakich ilhot, u tym liku i biaspłatnyja prajezdy dla milicyi. Čamu milicyjanty musiać jeździć biaspłatna, a žurnalisty za hrošy? My vyrašyli ŭsie lhoty admianić. Lhoty zastajucca tolki dla invalidaŭ, a taksama dla šmatdzietnych siemjaŭ. U Biełarusi saśpieŭ čas dla pavyšeńnia pensijnaha ŭzrostu — hetaha chočuć sami pensijanery».
«Kali b u mianie nie zachavalisia ideały junactva — praŭdzivaść, ščyraść, družba, — to ja byŭ by durnym čałaviekam. Ale hałoŭnaja kaštoŭnaść, jakuju ja zachavaŭ, — internacyjanalizm».
«U prezydenta Biełarusi niama adpačynku. Ja lublu zimovuju paru hodu. Kali ŭ Aŭstryju apošnija hady mianie pierastali puskać, to ja pačaŭ jeździć u Sočy. Ja vielmi nie lublu kamandziroŭku. Voś da Dušanbe treba lacieć až piać hadzinaŭ! Ja vielmi pryviazany da domu. Biełarusy taksama vielmi kiepska ŭsprymajuć, kali ja źjaždžaju z krainy bolš za troje sutak. Samaje vialikaje, što ja adpačyvaŭ 10 dzion, bo apazycyja pačynaje kryčać: dzie Łukašenka? Zimoŭski ŭ dziaržaŭnych ŚMI taksama pačynaje chvalavacca».
«Ja prytrymlivajusia žaleznaj dyjety, rychtujusia da Kaladnaha chakiejnaha turniru. Ja ŭžyvaju prostuju ježu — małočny sup, draniki».
«Ja nie prychilnik Vašaj dzikaj systemy parlamenckich vybarŭ. U nas całkam mažarytarnaja systema. Za kaho ludzi buduć hałasavać? Za “Adzinuju Rasieju”? Nie, za Pucina. Ale ž heta dezynfarmacyja. Jak tak — ja ŭ partyju nie ŭstupaju, ale partyjny śpis uznačalvaju». Pra źjezd «Adzinaj Rasiei»: «Kab vy nie skacilisia i nas nie zaciahnuli ŭ savieckija časy, kali padvodzilisia i kryčali «Słava KPSS». Ja kali niekatoryja epizody pabačyŭ, mianie zaščymiła».
«Jany ŭ moj adras nia vielmi žartujuć. Chacia ja narmalna da hetaha staŭlusia. Ja navučyŭsia na heta nie źviartać uvahi. Nie, jak by nie źviartać uvahi. Jak nie žartavać z Łukašenki? Kali žartujuć ź Jelcyna i Pucina. Darečy, treba pahladzieć, što jany pra mianie kažuć».
«Pa vulicach i kramach ja nie chadžu, bo heta niemahčyma. Hadoŭ piać tamu ja vyjšaŭ z svajoj rezydencyi i pajšoŭ ubok Kastryčnickaj. Ludzi na prypynku adrazu zakryčali: Prezydent! Prezydent! Adrazu pačaŭsia niejki mitynh, tysiačy dźvie. Mnie parvali kaścium. Ja kažu, vy choć trusy nia rvicie, bo apazycyja sfatahrafuje i vystavić u svaich hazetach».
«Knižki i filmy ja ciapier nie čytaju i nie hladžu, bo niama volnaha času. Kali jon i źjaŭlajecca, to ja addaju jaho na sport. Knižki nie čytaju, bo daviedaŭsia, jak ich pišuć. Kino nie hladžu, bo daviedaŭsia, jak jaho zdymajuć».
«Bolš za ŭsio ja nienavidžu pjanicaŭ i zdradnikaŭ. Pjanica — heta taki čałaviek, jaki abo zdradzić, abo štości narobić».
A. Łukašenka adkinuŭ čutki pra adstaŭku Kanaplova i pierachod Kanaplova ŭ apazycyju. «Ja ŭ jaho zapytaŭsia: ty sapraŭdy apazycyjaneram staŭ? Bo našyja apazycyjanery ŭ Maskvie takoha pra jaho panapisvali». «Siońnia ŭ hetuju śmietnicu — Internet, možna ŭkinuć usio, što chočacie, i vajavać z hetym — marnavać lišnija hrošy».
