Śpis biełaruskich personaŭ non hrata ŭ Eŭropie moža papoŭnicca svajakami čynoŭnikaŭ, jakija ŭžo prysutničajuć u im. U pryvatnaści, u jaho mohuć trapić Zachar Navumaŭ, syn ministra ŭnutranych spraŭ RB, jaki pracuje dyplamatam u Ženevie, i Andrej Sucharenka, syn byłoha staršyni KDB, jaki pracuje ŭ Strasburhu.
Hetyja prapanovy majucca ŭ farmulary deputata Eŭraparlamentu spadaryni Žanin Chenis-Płaschart. Pavodle źviestak “Biełaruskaha partyzana”, padrychtoŭka hetaha farmularu z prapanovami pašyryć śpis nievyjaznych biełaruskich čynoŭnikaŭ u Eŭropu pačałasia paśla publikacyjaŭ u biełaruskich ŚMI.
Hetyja artykuły byli pierakładzienyja na halandzkuju movu i pieradadzienyja z supravadžalnym listom dla razhladu dadzienaha pytańnia halandzkim deputatam Eŭraparlamentu. U vyniku 11 kastryčnika 2007 h deputatkaj Eŭraparlamentu spadaryniaj Žanin Chenis-Płaschart (Jeanine Hennis-Plasschaert) byŭ padadzieny ŭ Kamisiju Eŭraparlamentu šerah pytańniaŭ adnosna siońniašniaha stanovišča ŭ Respublicy Biełaruś. U pryvatnaści, była zakranuta tema synoŭ biełaruskaha kiraŭnictva, jakija zajmajuć vysokija pasady.
