Pavodle jaho słoŭ, sioleta narychtavana 4,4 tys. ton čarnic, što na 76% bolš, čym letaś.
«Dasiahnuć takoha vyniku nam dapamahło toje, što sioleta my pryciahnuli na pieryjad narychtovak pryblizna 3,3 tysiačy mabilnych narychtoŭščykaŭ. Taksama ŭ narychtoŭkach udzielničała 8,6 tys. handlovych arhanizacyj i 900 stacyjanarnych narychtoŭčych punktaŭ», — zaznačyŭ śpiecyjalist.
Bolšaja častka narychtavanych čarnic ekspartavanaja ŭ krainy Jeŭrasajuza — Polšču, Litvu, Łatviju.
«My daśledavali mahčymaść pramych pastavak čarnic u krainy Skandynavii i Hiermaniju, u jakich jany prachodziać kančatkovuju pierapracoŭku. Akazałasia, što ŭ Prybałtycy i Polščy jahady ačyščajucca ad liścia i pładanožak, sartujucca z dapamohaj łaziera, a potym užo zamarožvajucca. U Biełarusi pakul takich mahčymaściej niama, ale my płanujem pabudavać takija pradpryjemstvy», — paviedamiŭ U.Hapanovič.
Pavodle słoŭ śpiecyjalista, zakupačnaja ekspartnaja cana sioleta skłała 2,5 jeŭra za kiłahram. Zakupačnyja ceny ŭ Biełarusi skłalisia na ŭzroŭni 4—6 tys. rubloŭ za kiłahram.
Načalnik upraŭleńnia paviedamiŭ, što za dzieviać miesiacaŭ narychtavana 2,9 tys. ton kłubnic, 23 tys. ton bulby, 16,1 tys. ton ziernia, 15,3 tys. aharodniny, 3 tys. ton ahurkoŭ, 4, 2 tys. ton kulturnych jahad, 850 ton žuravin, 193 tony hryboŭ.
U.Hapanovič zaznačyŭ, što ŭ cełym u 2007 hodzie pradpryjemstvy spažyŭkaapieracyi płanujuć vypłacić nasielnictvu za narychtavanuju pradukcyju 120 młrd. rubloŭ — na 20% bolš, čym letaś. Ź ich 27 młrd. rubloŭ — pazykovyja bankaŭskija srodki, astatnija — ułasnyja srodki arhanizacyi.