 |
Aktyvist źviarnuŭsia ŭ sud z metaj pryznać niepravamiernym jaho vaśmisutačny aryšt i štraf, da jakich pryhavaryła jaho sudździa Centralnaha rajona Maryna Damnienka. Z.Žaleźničenku abvinavacili ŭ niecenzurnaj łajancy ŭ hramadskim miescy i niepadparadkavańni milicyi.
18 vieraśnia Z.Žaleźničenka byŭ zatrymany supracoŭnikami milicyi pa padazreńni ŭ zhvałtavańni. Jaho dastavili ŭ AUS Čyhunačnaha rajona, paśla čaho pieraviali ŭ adździeł milicyi Centralnaha rajona i ŭ toj ža viečar pamiaścili ŭ IČU. Na nastupny dzień sud pryciahnuŭ jaho da administracyjnaha aryštu i štrafu.
«Možna było čakać, što abłasny sud pahodzicca z rajonnym. Kab dakazać svaju nievinavataść, ja prapanavaŭ sudździ Alaksieju Šamichinu pravieści śledčy ekśpierymient: jon budzie jechać na mašynie pa vulicy Savieckaj, a ja ŭ hety čas budu spuskacca ŭ padziemny pierachod. Ja pryznaju svaju vinu, kali ŭ takim vypadku možna budzie pačuć, jak ja łajusia matam. A kali vieryć supracoŭnikam milicyi, sprava była mienavita tak. Jany čuli maju «niecenzurnuju łajanku», kali ja byŭ u pierachodzie, a jany — u mašynie», — raskazaŭ Z.Žaleźničenka.
Nahadajem, 7 vieraśnia vydatnik vučoby, jaki nie mieŭ propuskaŭ zaniatkaŭ, Žaleźničenka byŭ adličany z treciaha kursu matematyčnaha fakulteta Homielskaha univiersiteta imia F.Skaryny. Administracyja VNU matyvavała svajo rašeńnie «sistematyčnym parušeńniem praviłaŭ unutranaha rasparadku». Z.Žaleźničenka źviazvaje svajo adličeńnie z aktyŭnaj hramadskaj dziejnaściu. Rašeńnie administracyi VNU ab adličeńni aktyvist abskardzić u sudzie Centralnaha rajona Homiela.
Taksama 19 kastryčnika Z.Žaleźničenka byŭ vyklikany ŭ haradski vajenkamat.
«U vajenkamacie ja admoviŭsia zapaŭniać roznyja błanki na ruskaj movie, zapatrabavaŭšy pradastavić mnie dakumienty na majoj rodnaj, a taksama dziaržaŭnaj biełaruskaj movie. Supracoŭnicy vajenkamata spačatku admovilisia heta rabić, ale potym vajenkam usio ž paprasiŭ svaich padnačalenych pierakłaści testy na biełaruskuju movu», — paviedamiŭ Z.Žaleźničenka.
19 kastryčnika stała viadoma, što Ministerstva adukacyi, kudy źviartaŭsia sa skarhaj na administracyju VNU Z.Žaleźničenka, pryznała zakonnym jaho adličeńnie.
