Na sustrečy prysutničali Alaksandar Buchvostaŭ, Valery Frałoŭ (BSDH), Jury Chadyka (PBNF) i Michaił Paškievič (AHP). Mienharvykankam daŭ dazvoł na praviadzieńnie akcyi, ale pa zvykłym maršrucie — ad Akademii navuk da Banhałoru ź mitynham u Parku "Družby narodaŭ". Pieršapačatkova zajaŭniki prasili pravieści šeście ad Kastryčnickaj płoščy da Nacyjanalnaj biblijateki, ale im u hetym admovili.
Valer Frałoŭ nastupnym čynam prakamentavaŭ rašeńnie Mienharvykankamu:
«Dla mianie pazytyŭnym faktaram źjaŭlajecca toje, što dazvoł my atrymali nie za try dni da akcyi, a amal za dva tydni. Takim čynam, možna budzie razharnuć bolšuju ahitacyjnuju kampaniju. Mnie padajecca, što apošnim časam ludzi pačali mienš chadzić na apazycyjnyja akcyi z toj pryčyny, što na ich niama dazvołu. Dumaju, što tut nam nia treba ŭpiracca i hnuć svaju liniju, a pryniać prapanovu mienskich čynoŭnikaŭ. Kali na akcyju vychodziła tysiač 50 čałaviek, to my b mahli niešta dyktavać, ale nie ŭ takich umovach. Zaŭtra projdzie arhkamitet pa Sacyjalnym maršy, dzie budzie pryniataje kančatkovaje rašeńnie pra maršrut. Asabista ja, Buchvostaŭ i Chadyka vystupajem za toje, kab pajści na Banhałor», — skazaŭ V.Frałoŭ.
