Pačynajučy z suboty naša kraina trapić pad upłyŭ vializnaha antycykłonu, tamu ŭstalujecca davoli kamfortnaje nadvorje, paviedamiŭ redakcyi načalnik słužby hidramieteaprahnozaŭ Respublikanskaha hidramietcentra Dzmitryj Rabaŭ.
Takim čynam, u vychadnyja budzie vobłačnaje z prajaśnieńniami nadvorje i ŭvohule biez daždžoŭ. Razam z tym ranicaj i ŭnačy buduć naziracca mocnyja tumany amal pa ŭsioj terytoryi krainy. Tempieratura pavietra ŭnačy ad minus 2 hradusaŭ pa poŭnačy da plus 5 hradusaŭ pa poŭdni krainy. Udzień davoli ciopła dla apošnich dzion kastryčnika — 7—13 hradusaŭ ciapła. U pieršy dzień nastupnaha tydnia nadvorje amal nie źmienicca, a voś z aŭtorka ŭ zachodnija rehijony krainy zavitaje atmaśfierny front, tamu 30 kastryčnika ŭ Bresckaj vobłasci projduć nievialikija karotkačasovyja daždžy. U sieradu karotkačasovyja daždžy buduć naziracca ŭžo na bolšaj častcy terytoryi krainy. U hety dzień unačy stanie ciaplej — da plus 2—8 hradusaŭ. Tempieratura pavietra ŭdzień 6—11 hradusaŭ ciapła.
