 |
Źmicier Žaleźničenka prachodziŭ medkamisiju ŭ vajenkamacie. Na pryjomie ŭ vajenkamaŭskaha psychijatra doktarka zacikaviłasia, čamu jon byŭ pryciahnuty da administracyjnaj adkaznaści. Pačuŭšy adkaz «Jaki z čatyroch artykułaŭ vas cikavić?», psychijatr nie stała ŭdakładniać dalej. Paśla razmovy na temu abarony Radzimy Źmitru było vypisanaje nakiravańnie na dadatkovaje medyčnaje daśledavańnie ŭ psychijatryčnuju palikliniku.
«Jany doŭha spračalisia, jaki papiaredni dyjahnaz napisać, i ŭ vyniku napisali «reakcyja apazycyi», — kaža Źmicier.
Nakiravańnie patłumačyli tym, što Źmicier razmaŭlaje na rodnaj movie, i jon prymusiŭ vajenkoma pierapisać usie dakumenty pa‑biełarusku.
«Ščyra kažučy, iści ŭ sučasnuju biełaruskuju armiju, kab abaraniać ŭładu, mnie nia nadta chočacca. Tamu było b dobra, kali b ź mianie źniali hety abaviazak, niachaj i praz medkamisiju», kaža Źmicier.
Student Źmicier Žaleźničenka byŭ adličany z 3‑ha kursu matematyčnaha fakultetu Homielskaha dziaržuniversytetu imia Skaryny za «systematyčnyja parušeńni praviłaŭ unutranaha rasparadku». Žaleźničenka — aktyvist krajaznaŭčaj arhanizacyi «Tałaka» i «Moładzi BNF», pry navučańni mieŭ siaredni bał 9.
