Alaksandr Łukašenka nie vyklučaje mahčymaści prodažu kantrolnaha pakieta akcyj NVA "Intehrał" rasijskaj AFK "Sistema". Ab hetym jon zajaviŭ siońnia na sustrečy sa staršynioj Savieta dyrektaraŭ hetaj karparacyi Uładzimiram Jeŭtušenkavym.
Alaksandr Łukašenka vykazaŭ zacikaŭlenaść u inviestycyjach rasijskaj akcyjaniernaj finansavaj karpacyi "Sistema" ŭ vytvorčaść submikronnych mikraschiem NVA "Intehrał". "Mahčyma, my pryjdziem da taho, što navat nie budziem trymacca za kantrolny pakiet akcyj hetaha pradpryjemstva. Ale pry peŭnych umovach", - padkreśliŭ jon.
AFK "Sistema" - bujniejšy niesyravinny chołdynh u Rasii. Karparacyja maje i kiruje aktyvami ŭ śfierach vysokich technałohij, suviazi, miedycyny, budaŭnictva, u finansavym siektary, turyźmie. Jana ciesna ŭzajemadziejničaje ź dziaržaŭnymi orhanami Rasii, prymajučy ŭdzieł u realizacyi važniejšych nacyjanalnych prajektaŭ u halinie adukacyi, achovy zdaroŭja, raźvićcia elektronnaj pramysłovaści, budaŭnictva, u stvareńni technaparkaŭ, kamiercyjalizacyi navihacyjnaj sistemy HŁANASS. Kansalidavanyja dachody karparacyi za 2006 hod skłali amal $11 młrd. i ŭ paraŭnańni z 2005 hodam uzraśli na 43 pracenty. Čysty prybytak pradpryjemstva skłaŭ $813 młn. i pavialičyŭsia na 52 pracenty. Sumarnaja kapitalizacyja daččynych kampanij AFK "Sistema" na 1 lipienia 2007 hoda na biržach Ńju-Jorka i Łondana pieravysiła $40 młrd.
