***
Hladzieć fotarepartaž Julii Daraškievič: Sacyjalny marš Akademija navuk - Pł. Banhałor
Hladzieć fotarepartaž Julii Daraškievič Sacyjalny marš: Kastryčnickaja - Płošča Niezaležnaści
Hladzieć fotarepartaž Andreja Lankieviča z Sacyjalnaha maršu
***
15:29 Akcyi na Płoščy Banhałor i Płoščy Niezaležnaści skončylisia. Pakul biez zatrymańniaŭ.
15.00 Udzielniki akcyi na płoščy Niezaležnaści zavieršyli mierapryjemstva śpievam relihijnaha himnu «Mahutny Boža». Ciapier jany iduć u metrapaliten raźjaždžacca pa chatach.
14.51 Kalona padyšła da Domu ŭradu i akurat pierad im, pad pomnikam Leninu, trymaje raściažku «Niet otmienie lhot». Supracoŭnikaŭ siłavych struktur u formie niama zusim. Ludzi ŭ cyvilnym filmujuć udzielnikaŭ akcyi. Sami ŭdzielniki tak kamentujuć rašeńnie pajści na płošču Niezaležnaści: «Na płoščy Niezaležnaści my chočam vyjavić prahu niezaležnaści ad takich kiraŭnikoŭ, jakija davodziać Biełaruś da žabrackaha stanu. My nia chočam žyć pa talončykach». Udzielniki pastali vakoł pomnika Leninu, la prystupak Domu ŭradu.
14.44 Kalona minaje Hałoŭpaštamt. Moładź skanduje «Ŭładu —narodu, moładzi — svabodu». Pobač jedzie mašyna DAI i cyvilnaja mašyna ź mihałkaj.
14.35 Demanstranty farmujuć kalonu, iduć pa chodnikach i padziemnych pierachodach, hukajuć «Žyvie Biełaruś», «Horad naš», «Nie admienie lhotaŭ», «Svabodu palitviaźniam». Udzielniki akcyi praminuli ŭžo vuł. Lenina, HUM i ciapier znachodziacca kala Centralnaj kniharni.
14:33 Zatrymanaha ŭ Mastoch padčas praviadzieńnia sustrečy z žycharami Alaksandra Milinkieviča viazuć u Mastoŭski RAUS dla dačy tłumačeńniaŭ. Razam ź im zatrymanyja i jašče niekalki ŭdzielnikaŭ sustrečy. Pra heta paviedamlaje Radyjo Racyja
14:31 Mitynh na Banhałory idzie da lahičnaha zaviaršeńnia. Śpiavaje bard Źmicier Bartosik, jaho słuchaje kala 300 čałaviek.
14.27 Kastryčnikaja. Ivaškievič zharnuŭ ściah, zajaviŭ, što sabranyja ŭžo nie paśpiejuć na Banhałor, a stychijny pikiet skončany. Moładź, jakaja zastałasia, raźviarnułasia j rušyła chodnikami ŭ kirunku płoščy Niezaležnaści.
14.26 Kastryčnickaja. Kolišni advakat Alaksandra Kazulina Ihar Rynkievič pryjšoŭ na Kastryčnickuju płošču z rydloŭkaj. Hety symbaličny padarunak, na dumku Rynkieviča, musić pakazać arhanizataram Sacyjalnaha maršu, što treba kapać hłybiej: i ŭ apazycyjnym kole, i ŭ pracy z nasielnictvam, bo kali nie kapać, sacyjalnyja maršy j nadalej źbiraćmuć usiaho tysiaču čałaviek. A vynikam dobraha kapańnia musić stać źmiena ŭłady.
14:25 Mienski maładafrontaviec (nik) dasłaŭ na sajt nastupnaje paviedamleńnie:
Nakont bojki (na Surhanava): Kubik - mianuška čałavieka (byłoha aktyvista ruchu Zubr), jaki davoli dobra viadomy ŭ fanackim asiarodździ jak prychilnik źniščanaha ŭładami klubu Tarpieda - Miensk, siarod aktyvistaŭ tak zvanaj "Biełaj voli" (tut: adsyłka na ich sajt) davoli šmat prarasieskich prychilnikaŭ Dynama, tamu j była mabyć takaja reakcyja + prysutnaść anarchistaŭ.
14:21 Banhałor Pierad prysutnymi vystupiła bard Adzinota (Taciana Biełanohaja), jakaja praśpiavała niekalki piesień. Nie pra lhoty :)
Hramadzki aktyvist z Žodzina Alaksandar Vałčanin, jaki vystupaŭ ad imia likvidataraŭ-čarnobylcaŭ, zajaviŭ, što treba zmahacca za viartańnie lhotaŭ likvidataram-čarnobylcam, i dabivacca taho, kab lhoty byli na ŭzroŭni Rasiei i Ukrainy.
14.15 Na Kastryčnickaj płoščy źjaviŭsia čorny ściah niezarehistravanaj hrupy «Bunt», raściažka «Svabodu Kazulinu».
Viktar Ivaškievič: «Ja prašu maładych radykałaŭ padyści da mianie, staroha palityka».
14:12 Banhałor. Tut prachodzić mitynh. Vystupiŭ Valer Uchnaloŭ, Siarhiej Kalakin, jaki zajaviŭ, što sacyjalny pratest u Biełarusi budzie pacichu pavyšacca. Ludzi pakrysie pačynajuć razychodziacca. Ciapier na Banhałory nia bolš za 1000 čałaviek. Hałoŭnaja pryčyna - vielmi chałodna (+1-2 hradusy).
14.05 Kastryčnickaja. Źjaviŭsia Viktar Ivaškievič i prapanavaŭ usim razam prajści na na płošču Banhałor i dałučycca da asnoŭnaj masy pratestoŭcaŭ. Ciapier jon sa ściaham Eŭraźviazu ŭ adnoj ruce j bieł-čyrvony-biełym štandaram u druhoj hurtuje vakoł siabie ŭdzielnikaŭ akcyi. Na hety momant ich kolkaść dasiahnuła sotni čałaviek. Na płoščy źjaviŭsia Anatol Labiedźka i pradstaŭniki "Maładych demakrataŭ"
13.59 Specnazaŭcy padychodziać da ludziej i prapanujuć tym pakinuć płošču z pryčyny «praviadzieńnia sakretnaha specmierapryjemstva».
13:59 Na Kastryčnickaj płoščy za piać chvilin da pačatku abvieščanaha alternatyŭnaha maršu, nie dazvolenaha haradzkimi ŭładami, sabrałosia paru dziasiatkaŭ čałaviek. Specnazaŭcy, jakich taksama adzinki, dahladajuć zaplečniki j torby, pytajucca ŭ prysutnych pra metu znachodžańnia na płoščy. Pavodle najaŭnaj infarmacyi, miarkujecca vyciaśnić sabranych z płoščy.
13:58U Mastoch zatrymany Milinkievič. Pra heta dasłaŭ paviedamleńnie na sajt čytač pad nikam Aktyvist.
13.45 Kalona pryjšła ŭ park Družby narodaŭ. Za čas šeścia kolkaść udzielnikaŭ istotna nie źmianiłasia. U hety momant idzie padrychtoŭka da mitynhu, afarmlajecca scena, zamacoŭvajucca raściažki. Jość elektryčnaść, z dynamikaŭ tranślujuć muzyku: ad savieckich šlahieraŭ da NRM i Šałkieviča.
Nadvorje padpsavała stan placoŭki, ludziam davodzicca šukać sušejšaje miesca miž hrazi j łužynaŭ.
13:35 Hramadzki aktyvist, vydaviec "Bojkaha Klecku" Siarhiej Panamaroŭ dasłaŭ na sajt nastupnaje paviedamleńnie:
"U Klecku a 13.00 taksama załunaŭ 2-ch metrovy ściah u centry horadu. Milicyja zavaryšyłasia vakoł doma, ale nijakich zachadaŭ pakul nia robić."
13:30 Demanstranty padychodziać da Banhałoru, u dadzieny momant jany znachodziacca la Makdonaldsu, što na Bahdanoviča. Anarchisty taksama niekudy źnikli. AMAP pasieŭ u aŭtobusy. Kalarovaja hama maršu źmianiłasia. Ciapier napieradzie kalony bolš čyrvonych ściahoŭ, a ŭ jaje chvaście - bieł-čyrvona-biełych.
13:18 Biełavolcy raźbiehlisia pa dvarach, papiarednie źbiŭšy niejkaha chłopca pa proźviščy (pa mianušcy?) Kubik. Jany kinulisia na jaho z krykam "Smotritie, Kubik". Specnaz nia ŭmiešvaŭsia, a moŭčki naziraŭ za hetym.
Prysutnyja kažuć, što biełavolcy byli vielmi dobra arhanizavanyja, słuchali kamandy, chutka šychtavalisia i pieramaŭlalisia miž saboj na čystaj rasiejskaj movie.
Siarhiej Kalakin zaklikaje ŭsich supakoicca i praciahvać ruchacca ŭ bok Banhałoru. Demanstranty iduć pa Surhanava ŭ atačeńni specnazu i aŭtazakaŭ.
13:10 Źjaviŭsia specnaz, i bojka skončyłasia. Jość aŭtazaki (dźvie štuki)
13:07 Pačałasia mahutnaja bojka - ścienka na ścienku - pamiž anarchistami i "Biełaj volaj". Nieviadoma adkul źjavilisia pałki i ŭsčałosia sapraŭdnaje paboišča. Biełaj voli bolej. Bojka kala domu na Surhanava, 31 (nie dachodziačy da vulicy Kołasa).
Biełavolcy kryčać "Zih!".
13:00 Častka ludziej - anarchisty i "Biełaja vola" - vyjšli na prajeznuju častku. Supracoŭniki DAI prosiać ich zachoŭvać paradak. Milicyi niama znoŭ. Žurnalisty miarkujuć, što biełavolcy - specyjalna padasłanyja pravakatary.
12:58 Šeście ruchajecca pa vulicy Surhanava. Šeście vielmi strakataje: ad ultralevych da ŭltrapravych. Ale nijakich kanfliktaŭ niama. Hraje arkiestar. Bahata roznych ściahoŭ: kamunistyčnych, bieł-čyrvona-biełych, anarchiścich, ściahoŭ roznych partyj, savieckich, dziaržaŭnych čyrvona-zialonych, navat rasiejskich.
12:56 Kala budynka prezidyuma Nacyjanalnaj akademii navuk u Minsku supracoŭniki milicyi kanfiskavali ŭ arhanizataraŭ Sacyjalnaha maršu kałonki i hukaŭzmacnialnuju aparaturu, paviedamiŭ BiełaPAN.
12:48 Pačynajecca šeście ŭ bok vulicy Surhanava. Kałona naličvaje ŭžo bolš za 1 000 čałaviek. Napieradzie kalony bolš bieł-čyrvona-biełych ściahoŭ i ściahoŭ anarchistaŭ. Taksama napieradzie niejkija padazronyja maładyja ludzi ŭ čornych kurtkach i bercach, jakija nazyvajuć siabie "Biełaja Vola". Jany trymajucca asobna, niešta vyhukvajuć, pašychtavalisia ŭ svaju hrupu, dy zakryli tvary.
12:38 Vystupiŭ z mehafonam Siarhiej Kalakin, jaki zaznačyŭ, što milicyja adpuściła adnaho z arhanizataraŭ maršu jahonaha paplečnika Valera Uchnalova, i paśla taho, jak toj padjeździe da Akademii navuk, udzielniki akcyi skirujucca da Banhałoru.
Uchnaloŭ byŭ zatrymany u 11:45 la płoščy Banhałor.
Na placy pierad Prezydyjumam prysutničaje kala 600-700 čałaviek, ludzi niejak viała sprabujuć kryčać "Žyvie Biełaruś". Źjavilisia taksama ściahi AHP, paboleła bieł-čyrvona-biełych ściahoŭ za košt štandaraŭ, pryniesienych sacyjał-demakratami. Moładź trymaje partrety lidera "Maładoha frontu" Źmitra Daškieviča, jakoha, miž inšym, 6 listapada ŭ Škłovie čakaje čarhovy sud - za toje, što jon admoviŭsia śviedčyć suprać svaich siabroŭ, jakija prachodzili pa spravie MF.
12:33 Čytač sajtu, jaki piša pad nikam "Aktyvist", dasłaŭ nastupnaje paviedamleńnie:
«A ŭ Mastach svoj sacyjalny Marš. Zaraz tam Milinkievič z žycharami sustrakajecca. Taksama na sustrečy prysutničaje AMAP z aŭtamatami i tolki što padvieźli aŭtobusy z prychilnikami palityki Łukašenki».
12:30 Źjaviłasia raściažka Partyi BNF, čatyry rasiejskija ściahi. Anarchisty pačali bić u bubny.
Anarchisty dadajuć drajvu. Jany, zakryŭšy tvary paviazkami, kryčać "Niet - otmienie lhot", a taksama trymajuć raściažki: "Lhotam - 3,14zdiec", "Hosudarstvo socialnym nie byvajet", "Hosudarstvo - urod, niet otmienie lhot". Babuli bjuć łyžkami ŭ rondali.
12:10 Źjavilisia babuli, jakija trymajuć rondali dy bjuć u ich łyžkami. Źjaviŭsia taksama duchavy arkiestar, jakija hraje žyćcieśćviarždalnuju muzyku
Ź viadomych ludziej - hienerał Valer Frałoŭ, siabra partyi BNF Vacłaŭ Areška, były palitviazień, sacyjał-demakrat Mikoła Statkievič, adzin z kiraŭnikoŭ Partyi kamunistaŭ, dziejnaść jakoj prypyniena ŭładami, Alena Skryhan, namieśnik staršyni Partyi BNF Viktar Ivaškievič.
Źjaviŭsia rasiejski bieła-sinie-čyrvony-ściah.
12:00 La Akademii navuk sabrałasia kala 300 čałaviek. Bahata čyrvonych savieckich ściahoŭ, jość taksama bieł-čyrvona-biełyja, anarchisckija ściahi. Ludzi prybyvajuć, ale abstanoŭka spakojnaja. Dačka Alaksandra Kazulina trymaje plakat "Svabodu Alaksandru Kazulinu".
Asnoŭnaja častka prysutnych — ludzi pensijnaha ŭzrostu. Ludzi trymajuć raściažki: "Niet - narušienijam prav ludiej truda", "Niet - płatnoj miedicinie", "Za solidarnosť trudiaŝichsia v boŕbie", "Niet - rostu cien", "Nie - prymusovym kantraktam.
***
Pavodle ich słovaŭ, miarkujecca, što asnoŭnaja častka ludziej maje pačać źbiracca a 12-j la Akademii navuk, častka pryjdzie na Kastryčnickuju płošču a 14-j. Pieršyja - tyja, chto miarkuje źbiracca la Akademii navuk - potym planujuć prajści maršam pa vulicy Surhanava ŭ kirunku Banhałor. Nie źbirajucca iści ŭ park Družby narodaŭ adzin ź lideraŭ pradprymalnickaha ruchu Alaksandar Makajeŭ, Ihar Rynkievič (BSDP), lider AHP Anatol Labiedźka. Namieśnik staršyni Partyi BNF Viktar Ivaškievič zajaviŭ, što pojdzie na Kastryčnickuju.
Napiaredadni akcyi byli praviedzienyja niekalki preventyŭnych zatrymańniaŭ. U sieradu byŭ zatrymany adzin z kiraŭnikoŭ Partyi BNF Vacłaŭ Areška, u jakoha byli skanfiskavanyja niekalki tysiač ulotak, jakija planavali raspaŭsiudzić da Eŭrapiejskaha maršu.
***
Ranicaj u niadzielu byli praviedzienyja niekalki preventyŭnych zatrymańniaŭ u rehijonach: u Horadni, Viciebsku, Barysavie, kab miascovyja aktyvisty nia zdoleli dabracca da Miensku.
