 |
Vieraśnioŭskaje rašeńnie deputataŭ Mienharsavietu ab pierajmienavańni vulicy Biersana ŭ vulicu Vajniłoviča, a taksama nadańni haradzkim vulicam imion Sapiehi j Bryla nie prajšło pravavoj ekspertyzy ŭ ministerstvie justycyi.
U Mienskim harvykankamie «Našaj Nivie» paviedamili, što zhodna z zakonam ab miascovym samakiravańni padobnyja rašeńni musiać abmiarkoŭvacca z nasielnictvam, adnak metodyka abmierkavańnia na siońnia nie raspracavanaja. Heta i stałasia farmalnaj pryčynaj, pavodle jakoj rašeńnie 5-j sesii Mienharsavietu ad 26 vieraśnia nie prajšło pravavoj ekspertyzy ŭ Ministerstvie justycyi.
❏
«Heta hoły valuntaryzm. U historyi Biełarusi heta pieršy vypadak, kali Minjust umiešvajecca ŭ pracu narodnych abrańnikaŭ pa takim pytańni, jak nadańnie nazvaŭ vulicaŭ, ci ich pierajmienavańnie. Što datyčyć narodnaha abmierkavańnia, to nakont vulicy Janki Bryla TBM sabraŭ niekalki tysiačaŭ podpisaŭ z usioj Biełarusi. Hetyja podpisy byli pieradadzienyja ŭ staršyni Mienharvykankamu Michaiłu Paŭłavu. Kali metodyka abmierkavańnia na siońnia nie raspracavanaja, to na jakoj padstavie byli pierajmienavanyja praspekt Skaryny i Mašerava? A tyja źmieny praviali ŭvohule nie spytaŭšysia ni čyjho mierkavańnia. Uźnikajuć pytańni nakont vulicaŭ Sapiehi i Bryla. Planavałasia, što ich imionami nazavuć novyja vulicy stalicy. To ŭ čym tut prablema? Viadoma, što suprać pierajmienavańnia vulicy Biersana vystupili kamunisty‑čykincy, ale ž i tut aficyjnaj nahodaj admieny rašeńnia deputataŭ harsavietu nazvali nie pratesty hramadzkaści, a adsutnaść metodyki»
Niahledziačy na adsutnaść metodyk, pierajmienavańni ŭ Miensku ŭsio-taki zdarajucca.
Na fota: źmiena šyldaŭ na kolišnim praspekcie Franciška Skaryny.
Fota Julii Daraškievič
