 |
Biełaruskaja kalijnaja kampanija z pačatku hodu dvojčy padvyšała ceny na svaju pradukcyju, paviedamlaje Telehraf. Pavodle infarmacyi rasiejskaj kampanii «Urałkalij», što na parytetnych umovach udzielničaje u BKK, cana dla azijackich rynkaŭ uzrastaje na $40 — da $400/t, dla Brazylii na $55 — da $410. Novyja ceny pačnuć dziejničać ad novaha hodu.
Svoj krok BKK tłumačyć pavyšanym popytam na najvažniejšych suśvietnych rynkach dy prablemami z nasyčeńniem hetych rynkaŭ. Akramia taho, važnym arhumentam źjaŭlajecca imklivaje raźvićcio technalohijaŭ vytvorčaści bijapaliva, u jakaści syraviny dla jakoha vykarystoŭvajucca sielhaskultury.
Nahadajem, što ŭ kancy kastryčnika Biełaruskaja kalijnaja kampanija paviedamiła pra časovaje prypynieńnie svajho ŭdziełu ŭ pieramovach pa novych kantraktach na pastaŭku chlorystaha kaliju na ekspart. Rašeńnie było pryniataje ŭ źviazku z zajavaj kanadzkaj kampanii PotashCorp, jakaja aficyjna paviedamiła ab prypynieńni zaklučeńnia novych kantraktaŭ na pastaŭku kalijnych uhnajeńniaŭ. Nahodaj dla hetaha stała pavieličeńnie ryzyki nievykanańnia zamacavanych damovami abaviazalnictvaŭ rasiejskaha AAT «Silvinit».
