Majkł Mjukiejsi |
Džordž Buš vyłučyŭ kandydaturu 66‑hadovaha Mjukiejsi ŭ siaredzinie vieraśnia. Mjukejsi 18 hadoŭ adpracavaŭ sudździoj u Paŭdniovaj akruzie Ńju‑Jorku i vynosiŭ verdykty pa spravach terarystaŭ.
U novaha hienprakurora — biełaruskija karani. Jon naradziŭsia 28 lipienia 1941 h. u Ńju‑Jorku. Siaredniuju adukacyju atrymaŭ u artadaksalnaj habrejskaj škole Ramaz na Manchetenie. Baćka Mukasieja/Mjukejsi naradziŭsia i vyras pad Baranavičami.
Pa skančeńni Kalumbijskaha ŭniversytetu i škoły prava Jelskaha ŭniversytetu Majkł Mjukejsi zaniaŭsia advakackaj praktykaj. Pasiabravaŭ z budučym meram Ńju‑Jorku Rudolfam Džulijani — tady maładym advakatam. Džulijani, uznačaliŭšy prakuraturu Ńju‑Jorku, zrabiŭ Mjukejsi svaim pamočnikam.
Darečy, paśla taho jak Džulijani ŭstupiŭ u baraćbu za fatel prezydenta ZŠA, Mjukejsi z synam Markam dałučylisia da jaho vybarčaha štabu ŭ jakaści daradcaŭ pa jurydyčnych pytańniach.