Kniha Dźmitryja Huleckaha «Manety biełaruskaj daŭniny» — dla ŭsich, chto cikavicca historyjaj Biełarusi darasiejskaha peryjadu.
Pieršaje papularnaje biełaruskamoŭnaje vydańnie pra historyju biełaruskich hrošaj. Biełaruskim źbiralnikam manetaŭ i tym chto zachaplajecca historyjaj VKŁ.
Padajecca, što biełaruskaja numizmatyka sapraŭdy adradžajecca. Heta druhaja kniha Huleckaha pra manety, što tyčacca Biełarusi. Sioleta ŭžo pabačyli śviet «Maniety Biełarusi da 1707 hodu». Kali pieršaja kniha była raźličana na źbiralnikaŭ, «Manety Biełaruskaj Daŭniny» — dla ŭsich, chto cikavica historyja Biełarusi darasiejskaha peryjadu.
Kniha ŭ papularnaj formie raspaviadzie pra historyju hrašovaha zvarotu na sučasnych ziemlach Biełarusi. Raspaviadzie pra ŭzdymy i pravały vialikalitoŭskaha bićcia manetaŭ. Pradstaŭlena šmat vyjavaŭ manet i ich tahačasnych padrobak.
Sam aŭtar śćviardžaje, što heta tolki kniha‑«razmaloŭka». Tajamnicy biełaruskaj numizmatyki jašče čakajuć daśledčykaŭ. Zadača «Manet Biełaruskaj Daŭniny»— zacikavić čytača da zachapleńnia numizmatykaj VKŁ i RP.
U toj čas jak historyja hrašovaha zvarotu na ziemlach VKŁ siahaje sotni hadoŭ, my amal ničoha nia viedajem pra jaje. Kab adčuć poklič historyi, dastatkova pakłaści na dałoń drabniutki kavałak metału. Naprykład srebny kružełak paŭhrošu Žyhimonta II Aŭhusta z vyjavaju Pahoni. Darečy, Žyhimont Aŭhust nia byŭ prychilnikam polskich hrošaj, tamu karonnyja myncy (manetnyja dvary) byli začynienyja. U miežach RP i VKŁ aficyna kursavali tolki litoŭskija manety. Bolš dakładna pra heta ŭ mahčyma pračytać u knizie…
«Manety Biełaruskaj Daŭniny» možna nabyć u kniharniach i niezaležnych raspaŭsiudnikaŭ. Nakład 3000 asobnikaŭ.
***
Hulecki Dz. Manety biełaruskaj daŭniny — Miensk: Biełaruś, 2007
 |
