Biełaruś u adnabakovym paradku pryniała rašeńnie ab skaračeńni śpisa dakumientaŭ, nieabchodnych hramadzianam Izraila dla atrymańnia biełaruskaj ujaznoj vizy.
Jak rastłumačyli BIEŁTA u pasolstvie našaj krainy ŭ Tel-Avivie, hramadzianam Izraila, jakija majuć namier naviedać Biełaruś na termin da 30 dzion, dla atrymańnia vizy bolš nie treba pradjaŭlać zaprašeńni i inšyja tłumačalnyja dakumienty.
"Heta rašeńnie pryniata biełaruskim bokam u jakaści žesta dobraj voli ŭ adnabakovym paradku dziakujučy namahańniam pasolstva Biełarusi ŭ Izraili i z ulikam zvarotaŭ Usieizrailskaha abjadnańnia vychadcaŭ ź Biełarusi, a taksama indyvidualnych zvarotaŭ hramadzian Izraila", - adznačyli ŭ pasolstvie.
Tut vykazali nadzieju na toje, što hety krok "dapamoža izrailcianam čaściej byvać u našaj krainie, adkryć dla siabie historyju dobrasusiedskich adnosin biełarusaŭ i jaŭrejskaj abščyny, ubačyć realnuju siońniašniuju Biełaruś".
