Incydent adbyŭsia ŭ časie ibera-amerykanskaha samitu ŭ Čyli. Ciapier Čaves pahražaje pryvatyzavać usie hišpanskija pradpryjemstvy ŭ Venesuele.
Prezydent Venesueły Uha Čaves, jarki pradstaŭnik novaj chvali papulistaŭ, zvyk raspuskać jazyk u siabie na radzimie ŭ časie svaich doŭhich pramovaŭ, pres-kanferencyj i naradaŭ. Toje samaje jon sabie dazvalaje na mižnarodnaj arenie.
U časie samitu krainaŭ Łacinskaj Ameryki, Hišpanii i Partuhalii jon pierabiŭ hišpanskaha vystupoŭcu i abrynuŭsia ź pilipikaj na adras byłoha premjer-ministra Hišpanii Chase Maryi Aznara. Nazvaŭ taho «fašystam», źvinavaciŭ va ŭmiašańni ŭ spravy Venesueły.
Premjer Hišpanii, sacyjalist i palityčny praciŭnik Aznara Zapatera, paprasiŭ Čavesa być bolš dyplamatyčnym. Toj adnak hrymieŭ sabie dalej, jak niama ništo. Tady karol Hišpanii Chuan Karłas II nachiliŭsia z-za stała i kinuŭ Čavesu ŭ tvar: «A mo zatkniešsia?» («Por qué no te callas?».)
Čaves ukryŭdavaŭ nie na žarty. Za «500-hadovuju pychu» jon pahražaje pryvatyzacyjaj usich hišpanskich pradpryjemstvaŭ u Venesuele. «Jon mianie źniavažyŭ i ahaliŭ pierad usim śvietam svaju pychu i svajo biaśsille», — zajaviŭ Čaves u sieradu.
Videazapis incydentu možna prahledzieć tutaka .
