Staršynioj respublikanskaha hramadskaha abjadnańnia "Biełaja Ruś" abrany ministr adukacyi Biełarusi Alaksandr Radźkoŭ. Udzielniki ŭstanoŭčaha schodu novaha abjadnańnia, što prajšoŭ 17 listapada ŭ Minsku, prahałasavali za kandydaturu A.Radźkova adnahałosna.
Aprača hetaha byŭ abrany Respublikanski saviet arhanizacyi ŭ składzie 85 čałaviek. U jaho, u pryvatnaści, uvajšli, namieśnik staršyni Biełteleradyjokampanii Juryj Azaronak, rektar Biełaruskaha dziaržaŭnaha univiersiteta infarmatyki i radyjoelektroniki Michaił Batura, dekan fakultieta žurnalistyki BDU Siarhiej Dubovik, alimpijskaja čempijonka Julija Nieściarenka, deputaty Łarysa Kašankova, Viktar Huminski, Hleb Ivanoŭ, Michaił Orda, Halina Palanskaja, Alaksandr Šaćko, Alaksandr Juškievič.
"Biełaja Ruś" adbudziecca jak najbolš masavaja hramadskaja siła, zajaviŭ Alaksandr Radźkoŭ.
Pavodle jaho słoŭ, siońnia historyja dała unikalnuju mahčymaść pabudavać niezaležnuju dziaržavu. Pieršyja kroki da hetaha ŭžo zroblenyja, ličyć Radźkoŭ: "Za apošnija hady kraina šmat čaho damahłasia. Paśpiachova vyrašajucca ekanamičnyja prablemy". Pavodle słoŭ ministra adukacyi, raźvićcio dziaržavy ciesna źviazana ź imiem Alaksandra Łukašenki. Radźkoŭ ličyć, što biełaruskuju madel raźvićcia padtrymlivajuć bolšaść hramadzian krainy. "Siońnia dla ŭsich vidavočna, što kurs prezidenta dakazaŭ svaju žyćciazdolnaść", — skazaŭ ministr.
***
Udzielniki schodu taksama zaćvierdzili statut novaj arhanizacyi. U adpaviednaści ź im "Biełaja Ruś" budzie: "sadziejničać pabudovie mocnaj kvitniejučaj Biełarusi, udzielničać u pytańniach raźvićcia krainy". Aprača taho, statut praduhledžvaje ŭdzieł arhanizacyi ŭ vybarach, praviadzieńni adukacyjnaj i prapahandysckaj raboty.
