Heta pieršaja pieramoha biełarusaŭ pad kiraŭnictvam Bernda Štanhie ŭ aficyjnych matčach, paśla parazaŭ ad Rumynii, Słavienii i Luksemburhu.
U našaj adboračnaj hrupie zbornaja Baŭharyi pieramahła Rumyniju – 1:0. Praŭda, rumyny jašče miesiac tamu zavajavali pucioŭku ŭ Aŭstryju z Švajcaryjaj, dzie naleta projdzie kantynentalnaje pieršynstvo. Halandyja abyhrała Luksemburh – 1:0.
Stanovišča kamandaŭ: Rumynija – 26, Halandyja – 26, Baŭharyja – 22, Albanija i Słavienija – pa 11, Biełaruś – 10, Luksemburh – 3.
* * *
Zaklučny tur u našaj – jak i astatnich adboračnych hrupach – projdzie ŭ sieradu, 21 listapada.
Biełarusy ŭ Miensku zhulajuć sa zbornaj Halandyi, jakaja ŭžo zabiaśpiečyła sabie pucioŭku na čempijanat Eŭropy. Rumynija praviadzie matč z Ałbanijaj, a Słavienija z Baŭharyjaj. Luksemburh svaje matčy zakončyŭ.
* * *
Z padziej dnia zaznačym taksama, što siońnia zbornaja Polščy pieramahła Belhiju ź likam 2:0 i zavajavała pucioŭku na čempijanat Eŭropy.
Litva pieramahła Ukrainu - 2:0, a zbornaja Rasiei prajhrała ŭ haściach Izrailu ź likam 1:2, i ciapier jejny vychad na Eŭra-2008 pad vialikim pytańniem.
