«Hazprom» prahnazuje siarednieeŭrapiejskuju canu na haz u 2008 hodzie ŭ pamiery 300 dalaraŭ za tysiaču kubametraŭ. Taciana Manionak: Nia varta iluzij, nas čakaje nieprazrysty handal z «Hazpromam».
Košt hazu dla Biełarusi budzie pryviazany da cany na haz dla Polščy, paviedamili BiełaPAN u pres‑słužbie AAT «Hazpram».
Jak viadoma, zhodna z kantraktam, padpisanym pamiž kiraŭnictvam «Hazprama» i ŭradam Biełarusi 31 śniežnia 2006 hoda, u 2008 hodzie košt na haz pavinien skłaści 67% ad cany na jeŭrapiejskim rynku za vyličeńniem transpartnych raschodaŭ, u 2009 hodzie — 80%, u 2010 hodzie 90%. Da 2011 hoda cana na haz dla Biełarusi dasiahnie jeŭrapiejskaha ŭzroŭniu.
U pres‑słužbie «Hazprama» patłumačyli, što dla jeŭrapiejskich krain cana «ŭsiudy svaja», chacia isnuje paniaćcie «siaredniejeŭrapiejskaj cany, ale jana nie ahučvajecca». Što tyčycca Biełarusi, to košt budzie vyznačacca «zychodziačy z cany na haz dla Polščy za vyličeńniem tranzitu plus panižalny kaeficyjent», zaznačyli ŭ pres‑słužbie.
Razam z tym, pavodle źviestak ekśpiertnaha interniet‑resursu Opec.ru, «Hazpram» prahnazuje siaredniejeŭrapiejskuju canu na haz u 2008 hodzie ŭ pamiery 300 dołaraŭ za tysiaču kubamietraŭ. Takuju ličbu ahučyŭ na minułym tydni namieśnik staršyni praŭleńnia «Hazprama» Alaksandr Miadźviedzieŭ padčas pieramoŭ z pradstaŭnikami Ukrainy.
Ukrainskamu boku, darečy, udałosia zapeŭnić «Hazpram» admovicca ad idei pryviazać košt hazu dla Ukrainy da jeŭrapiejskaha. Pavodle źviestak haziety «Kommiersant Ukrainy», udzielniki pieramoŭ zapeŭnili «Hazpram» u tym, «što Ukraina maje admysłovy status — apieratara tranzitu 80% rasijskaha hazu, i tamu cana dla jaje pavinna farmiravacca pa inšych pryncypach».
Nahadajem, na pres‑kanfierencyi 1 listapada pasoł Rasii ŭ Biełarusi Alaksandr Surykaŭ paviedamiŭ, što košt rasijskaha hazu dla Biełarusi ŭ 2008 hodzie moža skłaści ad 120 da 150 dołaraŭ za tysiaču kubamietraŭ. Jon padkreśliŭ, što roznahałośsiaŭ pa formule cany na haz pamiž «Hazpramam» i Biełaruśsiu być nie pavinna.
Ničoha nadzvyčajnaha ŭ hetaj zajavie niama. Biełaruś susiedničaje z Polščaj i taki padychod u farmavańni cany prymalny. Eŭrapiejskaja formuła cany maje šmat składnikaŭ, pra jakija my nia viedajem, i tut hałoŭnaje, kab «Hazpram» prytrymlivaŭsia raniejšych pahadnieńniaŭ. Varta adznačyć, jakija ŭmovy ciapier skłalisia dla čarhovych pieramovaŭ. Vyhladaje na toje, što rasiejski bok nie nastrojeny na kanflikt i hatovy handlavacca. Uzhadajma tyja ž słovy rasiejskaha pasła Surykava, što cana hazu dla Biełarusi budzie vahacca ad $120 da $150 za kubametar. Heta cikava, bo pavodle eŭrapiejskaj formuły Biełaruś pavinna płacić sama mała $160. «Hazpram» zhodny na handal užo tamu, što maje ŭ Biełarusi stratehičnyja intaresy. Sa śviežych prykładaŭ — toj ža haradzienski «Azot». Adzinaje, što handal hety budzie schavany ad starońnich vačej.
