 Uładzimier Navumaŭ |
Ale ŭ adzinym banku daziennych ab hramadzianach z časova abmiežavanym pravam na vyjezd ź Biełarusi takich budzie značna bolš. Pra heta paviedamiŭ ministr unutranych spraŭ Biełarusi Uładzimir Navumaŭ.
Pavodle jaho słoŭ, źviestki ŭ bank dadzienych pradastaviać roznyja ministerstvy i viedamstvy. Tak, u lik nievyjaznych uvojduć asoby, jakija znachodziacca pad śledstvam, umoŭna‑daterminova vyzvalenyja ad adbyvańnia kryminalnaha pakarańnia, jakija nie vypłacili dziaržavie abo pryvatnaj asobie doŭh, złosnyja niepłacielščyki alimientaŭ i inšyja. Dakładnaja kolkaść asob, jakija ŭvojduć u adziny bank dadzienych ab hramadzianach z časova abmiežavanym pravam na vyjezd ź Biełarusi, stanie viadoma tolki paśla jaho kančatkovaha farmiravańnia.
— Na siońniašni dzień tolki pa sistemie MUS naličvajecca kala 5 tys. ludziej z časova abmiežavanym pravam na vyjezd za miažu. Ale navat pa našamu ministerstvu ŭ banku daziennych takich budzie značna bolš, — adznačyŭ ministr.
Ciapier ulik nievyjaznych hramadzian ažyćciaŭlajecca tolki paśla taho, jak jany źviartajucca za atrymańniem dazvolnaha štampa na vyjezd za miažu. Paśla stvareńnia banka dadzienych luby hramadzianin Biełarusi, u jakoha pa niejkaj pryčynie časova abmiažoŭvajecca prava na vyjezd za miažu, budzie zanosicca tudy aŭtamatyčna, rastłumačyŭ Uładzimir Navumaŭ. Jon padkreśliŭ, što źviestki ab kolkaści ŭklučanych u bank dadzienych nievyjaznych asob nie buduć trymacca ŭ sakrecie. Akramia taho, ludziej, jakich tudy ŭklučać, prainfarmujuć ab hetym zahadzia.
— Daviedvacca niepasredna na hranicy, što jon ličycca ŭ banku dadzienych, čałaviek budzie tolki ŭ vypadku, kali da hetaha supracoŭniki MUS pa abjektyŭnych pryčynach nie mahli ź im źviazacca, — skazaŭ ministr.
Pa miery taho jak buduć prapadać padstavy dla ŭklučeńnia hramadzianina ŭ lik nievyjaznych asob, jon budzie vyviedzieny z adzinaha banka dadzienych.
