Litva ŭličyła patrabavańni Biełarusi pry vybary miesca dla budaŭnictva schovišča radyjeaktyŭnych adchodaŭ, paviedamiŭ karespandentu BIEŁTA pieršy namieśnik ministra pryrodnych resursaŭ i achovy navakolnaha asiarodździa Biełarusi Alaksandr Apacki.
«Litva pajšła nasustrač i pryniała da ŭvahi niekatoryja našy prapanovy, źviazanyja z budaŭnictvam schovišča radyjeaktyŭnych adchodaŭ», — skazaŭ jon. Tak, novy abjekt raźmieścicca na placoŭcy Stabaciškies
pobač ź Ihnalinskaj AES za čatyry kiłamietry ad hranicy ź Biełaruśsiu zamiest raniej płanujemych adnaho‑dvuch kiłamietraŭ. Akramia taho, Litva ŭzmocnić miery biaśpieki zachoŭvańnia adchodaŭ. U novym abjekcie buduć zachoŭvacca adchody małoj i siaredniaj radyjeaktyŭnaści.
Alaksandr Apacki taksama adznačyŭ, što Litva pradastaviła Biełarusi infarmacyju ab uździejańni svajho schovišča na navakolnaje asiarodździe ŭ transhraničnym kantekście. Niekatoryja danyja vyklikali pytańni ŭ śpiecyjalistaŭ Minpryrody Biełarusi.
«Tak, my chacieli b viedać, jakija miery buduć pryniaty ŭ vypadku nadzvyčajnaj situacyi ŭ zonie schovišča, adnak adkazu pakul nie atrymali, — skazaŭ jon. — Spadziajomsia, što ŭ chutkim časie hety zapyt budzie zadavoleny».
Pavodle słoŭ pieršaha namieśnika ministra, ź litoŭskim bokam pastajanna viadzie pierahavory rabočaja hrupa, u jakuju ŭvachodziać pradstaŭniki Minpryrody, Ministerstva achovy zdaroŭja i MNS Biełarusi.
Raboty pa stvareńniu schovišča ŭ Litvie i jaho zapaŭnieńniu radyjeaktyŭnymi adchodami buduć prachodzić pad kantrolem mižnarodnych ekśpiertaŭ.
«Sa svajho boku my prymiem samyja žorstkija miery pa zabieśpiačeńniu kantrolu za hetym abjektam: u rajonie hranicy ź Litvoj śpiecyjalisty Minpryrody buduć pravodzić nie tolki daśledavańni ŭzroŭniu zabrudžańnia pavietra, ale i hleby, unutranych i pavierchnievych vod, — skazaŭ jon. — My chočam być poŭnaściu pierakanany, što zdaroŭju nasielnictva Biełarusi ništo nie pahražaje».
Alaksandr Apacki taksama dadaŭ, što Litva płanuje pabudavać novuju atamnuju stancyju na miescy Ihnalinskaj AES.
«Biełaruś prymie aktyŭny ŭdzieł u abmierkavańni hetaha pytańnia i nakiruje svaje zaŭvahi i prapanovy litoŭskamu boku», — dadaŭ pieršy namieśnik ministra.
 Vid na Ihnalinskuju AES ź biełaruskaha boku. |
