Kancern «Biełnaftachim» pastaviŭsia da sankcyj Minfina ZŠA «ź vialikim škadavańniem» i pryznaŭsia, što jaho rachunki nasamreč aryštavanyja.
«My nie razumiejem, čamu hetyja sankcyi zakranuli «Biełnaftachim», kali my nie ažyćciaŭlajem haspadarčuju dziejnaść, kancern źjaŭlajecca orhanam kiravańnia», – zajaviŭ načalnik adździeła pierapracoŭki nafty kancerna Uładzimir Sizoŭ, vystupajučy 23 listapada na Ch Mienskim forumie.
Pa słovach Sizova, sankcyi zakranuli najpierš pradstaŭnictvy kancerna ŭ ZŠA. «Jaho rachunki nasamreč aryštavanyja», – paćvierdziŭ pradstaŭnik «Biełnaftachima».
Nahadajem, 13 listapada Ministerstva finansaŭ ZŠA ŭviało sankcyi ŭ dačynieńni biełaruskaha dziaržaŭnaha kancerna "Biełnaftachim". U pryvatnaści, zamarožanyja źmieščanyja pad jurysdykcyjaj ZŠA bankaŭskija rachunki kancerna i jaho pradstaŭnictvaŭ u Niamieččynie, Łatvii, Ukrainie, Rasiei i Kitai, a taksama rachunki daččynaj amierykanskaj kampanii "Biełnaftachim Ju-Es-Ej".
