 |
Kaciarynu prosta z prakuratury zavieźli ŭ haradzki adździeł milicyi, dzie dapytvali pa dźviuch kryminalnych spravach: pa artykułach 193 «Udzieł u niezarehistravanaj arhanizacyi» (majecca na ŭvazie «Małady front») i 139 «Abraza nacyjanalnaj symboliki».
Paśla supracoŭniki KDB praviali pieratrus u internacie, dzie pražyvaje Sałaŭjova. Kiravaŭ pieratrusam Siarhiej Aficeraŭ. Ich cikaviła ŭsio, što mahło być śviedčyć pra siabroŭstva dziaŭčyny ŭ «MF». U hety čas u Kaciaryny adabrali mabilnik, na ŭsie zvanki adkazvaŭ adzin z «kadebistaŭ».
Paźniej u milicyi adbyŭsia jašče adzin dopyt dziaŭčyny. Tolki a 20‑jiaje adpuścili. Kaciaryna kaža, što milicyju taksama cikavili bolš za sto hrafici, jakija niadaŭna źjavilisia na połackich ścienach.
Kaciaryna Sałaŭjova navučajecca na 2‑m kursie histaryčna‑filalahičnaha fakultetu Połackaha ŭniversytetu. Rodam dziaŭčyna ź Lepiela.
