 Iryna Kuželnaja |
Sprava na padstavie č. 2 art. 154 Kryminalnaha kodeksa Respubliki Biełaruś (katavańnie) raspačata ŭ dačynieńni da maci źnikłaj u Łahojskim rajonie (Minskaja vobłaść) 23 listapada siamihadovaj Iryny Kuželnaj papiarednim rasśledavańniem Łahojskaha RAUS.
Jak paviedamili BiełaPAN va UUS Minabłvykankama, sprava raspačata na padstavie ŭstanoŭlenych faktaŭ žorstkaha abychodžańnia žančyny ź dziciem. Vyśvietliłasia, što jana ŭžo była adnojčy pazbaŭlena baćkoŭskich pravoŭ i dziaŭčynka niekatory čas žyła ŭ Baraŭlanskim internacie. 29 listapada maci dziaŭčynki zatrymali na troje sutak.
Samu Irynu Kuželnuju, vučanicu Biełaruckaj siaredniaj škoły, znajści pakul nie ŭdałosia.
Pavodle źviestak BiełaPAN, u apošnija dni supracoŭniki milicyi pracavali ŭ tym liku ŭ Astrašyckim haradku, dzie ludzi nibyta bačyli dzicia. Tut dziaŭčynka z maci žyła da pierajezdu ŭ Biełaručy.
