Letam paŭstała tvorčaje zhurtavańnie “Dziŭnoty i pamaroctvy”. U supołku ŭvajšli studenty Linhvistyčnaha ŭniversytetu, BDU i Radyjotechničnaha ŭniversytetu, jakija źbirajucca surjozna abiełaruščvać filmy.
Pieršymi sprobami praktyki stalisia try dyski – “Tłum” (Babilon), “Listy ź Iŭa Dzimy” i “Apakalipsys” Meła Hibsana. Huk pakinuli na movie aryhinału, a padnadpisy zrabili biełaruskija (klasyčnaj taraškievicaj dyj łacinkaj), anhielskija i rasiejskija. “My sami chacieli zrabić jakasny biełaruski pradukt,” – kaža Aleś Kvitkievič.
I hetaje atrymałasia. Kali “Halfstrym” dublažavaŭ filmy, jahonaje dyskavaje meniu nie vyłučałasia raznastajnaściu. “Dziŭnoty i pamaroctvy” nadali ŭvahu bonusam, karcinkam, trejleram – što patrabavała hruntoŭnaj prahramiskaj pracy.
“U niekatorych ekzatyčnych šryftach adsutničali biełaruskija litary “ŭ” i “io”, ale prahramisty hetyja litary ŭstavili, – raspaviadaje Aleś. Na žal, my spaźnilisia na 10 hadoŭ. Siońnia dystrybjutarskija kantory ŭžo zaviazanyja na Maskvu. Na Ŭkrainie robicca dublaž na rodnuju movu. I my taksama budziem prapanoŭvać svaje pasłuhi biełaruskim kampanijam, jakija raspaŭsiudžvajuć zamiežnyja filmy.”
“Dziŭnoty i pamaroctvy” zaviaršajuć ahučku “Pirataŭ Karybskaha mora” (z hałasami Lavona Volskaha j Rusi) ”. Najbližejšym časam planujecca prezentacyjny prahlad subtytravanych “300 spartačukoŭ” dyj kamedyi “Vakacyi spadara Bina” – dla čaho šukajucca hledačy.
Supołka adkryła svoj sajt, adkul možna daviedacca pra ichniuju tvorčaść.