Haradzieniec padaŭ u sud na Žyrynoŭskaha 3

U. Žyrynoŭski

Vykładčyk Hrodzienskaha instytuta pavyšeńnia kvalifikacyi nastaŭnikaŭ Michaił Žuraŭkoŭ padaŭ pozvu ŭ Basmanny sud Maskvy suprać deputata rasijskaj Dziarždumy Uładzimira Žyrynoŭskaha. Hrodzieniec patrabuje vypłacić kampiensacyju za naniasieńnie maralnaj škody ŭ pamiery 10.000 dołaraŭ.

Padstavaj da sudovaha raźbiralnictva stała fraza Uładzimira Žyrynoŭskaha , jakuju jon ahučyŭ na kanale NTV. U lutym hetaha hoda ŭ pieradačy «Da barjera» padčas sprečki sa svaim apanientam Alaksandram Prachanavym viadomy rasijski palityk nazvaŭ biełarusaŭ zdradnikami, jakija pradali Rasiju niemcam.

Hrodzienca Michaiła Žuraŭkova słovy Žyrynoŭskaha abrazili nie tolki jak hramadzianina Biełarusi, ale i jak čałavieka, baćka jakoha byŭ udzielnikam Vialikaj ajčynnaj vajny. Akramia pozvy Michaił Žuraŭkoŭ napisaŭ admysłovy list na imia śpikiera Dziarždumy Barysa Hryzłova, u jakim nazvaŭ Uładzimira Žyrynoŭskaha palityčnym kłounam i zvyčajnym chamam.

U vypadku, kali Basmanny sud Maskvy zadavolić pozvu hrodzienca, jon pieraličyć 10.000 dołaraŭ u arhanizacyju, jakaja zajmajecca sacyjalnaj abaronaj byłych niepoŭnahadovych viaźniaŭ kancentracyjnych łahieraŭ.

Radyjo Racyja

0

0

0

0

0

0