 |
Prezydent Rasiei zajaviŭ, što całkam padtrymlivaje hetuju kandydaturu. Uładzimier Pucin skazaŭ, što «viedaje Dźmitryja Miadźviedzieva i ciesna i plonna pracavaŭ ź im bolš čym siamnaccać hod».
Pucin skazaŭ, što ličyć realnym harantavańnie pierajemnaści ŭłady ŭ Rasiei z ulikam taho, što čatyry partyi vyłučyli adzinaha kandydata ŭ prezydenty, pryčym dźvie z hetych partyj źjaŭlajucca parlamenckimi i majuć u Dumie ŭstojlivuju bolšaść.
Prezydent Rasiei adznačyŭ, što prapanova, što pastupiła ad čatyroch partyj, «daje nam šaniec sfarmavać umovy dla praviadzieńnia kursu, jaki b prynosiŭ vyniki ŭsie apošnija hady».
Sa svajho boku Dźmitryj Miadźviedzieŭ paviedamiŭ, što kansultacyi, jakija tyčacca jaho kandydatury, buduć praciahnutyja ŭ najbližejšyja dva dni.
* * *
Žnivieński kamentar Miadźviedzieva na temu pastavak hazu ŭ Biełaruś:
«My nie dołžny primieniať ekonomičieski nie opravdannyje schiemy dažie v uhodu takim fundamientalnym prociessam, kak intiehracija. Koniečno, my možiem dohovarivaťsia o kakich-to intieriesnych variantach sotrudničiestva, no v ciełom nado pridierživaťsia normalnoho ekonomičieskoho prahmatizma. Raźvie vnutri hosudarstv, vchodiaŝich v jevropiejskoje soobŝiestvo, postavlajetsia haz na nierynočnych usłovijach? Nikakich dotacionnych miechanizmov nie primieniajetsia. Tak počiemu žie my dołžny ich ispolzovať? Poślednije diesiať let my tolko i diełali, čto tieriali dieńhi, i vsie eto v dotacionnom družieskom poriadkie. Tolko vot naši partniery počiemu-to etoho sovsiem nie cieniat. I kohda "Hazprom" skazał etim stranam, čto pora dvihaťsia k rynočnym cienam, na nas obidieliś, stali duťsia i hroziliś podať v sudy. Słava bohu, čto v itohie zdravomyślije vostoržiestvovało. No iz-za etoho pojaviłoś napriažienije v Jevropie. Kak tolko ja tuda ni prijedu, mienia postojanno sprašivajut: a vy budietie haz postavlať? No my žie užie piaťdiesiat let jeho tuda postavlajem dień v dień».
* * *
Dźmitry Miadźviedzieŭ naradziŭsia ŭ 1965 h. u Leninhradzie. Baćka byŭ prafesaram Leninhradzkaha technalahičnaha instytutu (pamior u 2004 h.), maci — filolah, vykładała ŭ Pedahahičnym instytucie imia Hiercana, paźniej pracavała ekskursavodam u muzei.
Dźmitry Miadźviedzieŭ byŭ adzinym dziciem u siamji, jakaja žyła ŭ rabočym rajonie Kupčyna na ŭskrainie Leninhradu.
Skončyŭ jurydyčny fakultet (katedra hramadzianskaha prava) Leninhradzkaha dziaržaŭnaha ŭniversytetu (1987), i aśpiranturu ŁDU (1990).
U studenckija hady zachaplaŭsia fatahrafijaj i rok-muzykaj (lubiŭ «Black Sabbath» i Ozzy Osbourne-a), zajmaŭsia ciažkaj atletykaj, vyjhraŭ u svajoj vahavaj katehoryi spabornictvy va ŭniversytecie.
Ažaniŭsia ŭ 1989 h. sa Śviatłanaj Lińnik, ź jakoj vučyŭsia ŭ adnoj škole. Žonka skončyła finansava-ekanamičny instytut, žyvie ŭ Maskvie, zajmajecca arhanizacyjaj hramadzkich mierapryjemstvaŭ u Sankt-Pieciarburhu.
Syn Illa — 1996 hodu naradžeńnia.
Dźmitry Miadźviedzieŭ — kandydat jurydyčnych navuk, dacent. Z 1990 pa 1999 hady vykładaŭ u Sankt-Pieciarburskim dziaržaŭnym universytecie, adnačasova ŭ 1990—1995 hadach byŭ daradcam staršyni Leninhradzkaha haradzkoha savietu Anatola Sabčaka.
U 1993 h. vystupiŭ adnym z zasnavalnikaŭ firmy «Finceł», jakaja nieŭzabavie zasnavała ZAT «Ilim Pałp Entierprajz», adzin z hihantaŭ rasiejskaha lesapramysłovaha biznesu. U novaj firmie Miadźviedzieŭ staŭ dyrektaram pa jurydyčnych pytańniach.
U 1999 h. — namieśnik kiraŭnika aparatu ŭradu Rasiejskaj federacyi Dźmitryja Kozaka.
U 1999—2000 — namieśnik kiraŭnika Administracyi prezydenta Rasiei. U 2000—2003 hh. — pieršy namieśnik kiraŭnika Administracyi prezydenta RF.
U 2000—2002 — staršynia Rady dyrektaroŭ AAT «Hazprom». Z kastryčnika 2003 h. pa listapad 2005 — kiraŭnik Administracyi prezydenta Rasiei.
14 listapada 2005 h. pryznačany pieršym namieśnikam staršyni ŭradu Rasiejskaj Federacyi.
