Dramatyčna skončyłasia akcyja ŭ abaronu niezaležnaści Biełarusi. U vyniku sutyčki z amonam mocna paciarpieŭ Źmicier Chviedaruk. Nieprytomnym jaho advieźli ŭ 9-ty kliničny špital. Daktary pastavili dyjahnaz: strasieńnie mozhu. .
09:00 Źmicier adyšoŭ ad balavoha šoku. Jon razmaŭlaje, ustaje.
01:00 Paviedamlaje čytač NN.BAJ Šein: «Što sa Źmitrom? Pryvieźli ŭ balnicu ŭ nieprytomnaści. Paźniej jon ačuniaŭ, bližej da 10 pačaŭ havaryć, tolki šeptam. Paprasiŭ pić. Traŭma žyvata, čerapna-mazhavaja traŭma. Unutranyja orhany nie paškodžanyja, jak skazaŭ urač pa abśledavańni. Maci j Kasia Halickaja uvieś čas byli ŭ pałacie, bližej da nočy ich paprasili vyjści. Na noč u chole balnicy zastałosia kala 5 čałaviek».
00:00 Paviedamlaje radyjo «Svaboda». Uviečary la 9-ha kliničnaha špitala Miensku sabrałasia niekalki dziesiatkaŭ čałaviek. Siudy pryjechała i maci Źmitra Chviedaruka. Špitalizavany paśla źbićcia specnazam Źmicier aprytomnieŭ, ale jon amal nie reahuje na zvaroty i nia moža razmaŭlać.
Maci Źmitra pierakazała Svabodzie słovy medykaŭ, što kostki Źmitra nibyta cełyja, ale jość prablema z čerapam, i jany vyśviatlajuć, ci jość ušyb mozhu i jakija nastupstvy hetaj traŭmy. Daśledujucca taksama traŭmy žyvata i nyrak.
Prysutničajuć daradcy amerykanskaj ambasady Džonatan Mur i Ściven Hiłen. Jany paviedamili, što siońnia ŭnačy čakajecca zajava Dziaržaŭnaha departamentu ZŠA pra źbićcio Źmitra Chviedaruka i hvałtoŭny razhon mirnaj demanstracyi ŭ Miensku.
Źmicier nie adziny, chto atrymaŭ traŭmy. U 6-m špitali znachodzicca Źmicier Kavałhin, u jaho pabita kalena. Jašče adna dziaŭčyna pa imieni Palina trapiła ŭ špital z pałamanym palcam.
19:54 Kolki chvilin tamu Źmicier pryjšoŭ u siabie. Jamu zrabili renthien, paviedamiła nam Kasia Halickaja.
19:34 Źmitra Chviedaruka advieźli ŭ 9-ty kliničny špital. Papiaredni dyjahnaz: tupaja traŭma žyvata.
19:25 Usich sadžajuć u tramvaj, kaža A. Michalevič. Milicyja u tramvaj nia sieła. Padčas akcyi nikoha nie zatrymali.
19:22 Hrupa na čale ź Michalevičam (30 čałaviek) staić na rahu vulic Jerusalimskaja-Čarviakova. Padjechaŭ aŭtazak. Dumajuć, ci zapakujuć ci pasadziać u tramvaj, kaža Aleś Michalevič.
19:06 Pa praspekcie ad Kastryčnickaj da płoščy Pieramohi prajechaŭ čorny limuzyn u supravadžeńni 12-14 matacyklistaŭ. Mašyna i matacyklisty spynilisia na praspekcie akurat nasuprać pomnika, potym raźviarnulisia i pajechali nazad.
18:59 Hrupu z demanstrantaŭ na čale ź Michalevičam - čałaviek sorak - daviali da vulicy Staravilenskaj.
18:54 Pryjechała "Chutkaja" i zabrała Źmitra.
18:45 Chviedaruk zusim nie varušycca, lažyć u adnoj pozie. Statkievič źniaŭ kurtku ź siabie, padkłaŭ pad jaho. Kala Źmitra sabrałasia kala 40 čałaviek.
18:42 Źmicier Chviedaruk mocna ŭdaryŭsia ab asfalt (u jaho brutalna adbirali ściah, a potym, kali pavaliŭsia, pa im prajšlisia) i lažyć na praspekcie, jamu vyklikajuć "Chutkuju". Źmicier nia ruchajecca, tolki raspluščvaje vočy.
18:40 Usich daviali da Śvisłačy i spuścilisia da raki. I ciapier viaduć praz park Kupały.
18:34 Milicyjanty daviali ŭsich da parku Kupały, pa advarotny bok ad Cyrku. Častka - ź milicyjantami i hramadzianami - zastalisia na miescy, a častku paviali dalej. Źjaviŭsia Mikoła Statkievič.
18:30 Milicyja ŭ piaty raz uziała demanstrantaŭ u koła i hetym razam viaduć usich u bok cyrku. Michalevič i Kalita - u centry padziej.
18:25 Ludzi ŭ čornym peryjadyčna biaruć roznyja hrupoŭki ŭ koła. Nikoha nie zatrymlivajuć, nie bjuć. Praciahvajecca hulnia ŭ koški-myški.
18:22 La znaku "Pačatak usich daroh" ludzi (kala 30 čałaviek) ŭźniali try bieł-čyrvona-biełyja ściahi, adzin čyrvona-zialony, adzin eŭraźviazaŭski. Ludzi kryčać "Žyvie Biełaruś!". Milicyja sprabuje vycisnuć ich da Pałacu prafsajuzaŭ.
Milicyja ŭsich daviała da Pałacu prafsajuzaŭ i usich adpuściła. Ludzi pieradyślakoŭvajucca da praspektu.
18:15 Ludziej daviali da Internacyjanalnaj i adpuścili. Hramadzianie i milicyja asobnymi hrupami viartajucca na Płošču. Usiaho ŭ akcyi biare ŭdzieł nia bolš za 100 čałaviek.
18:13 Častku ludziej paviali ŭ bok vulicy Internacyjanalnaj. Vyskačyła jašče adna hrupa milicyjantaŭ. Na samim praspekcie ŭsio cicha.
18:09 Milicyja stała šeraham uzdoŭž vulicy Enhielsa i biare ŭdzielnikaŭ akcyi ŭ koła. Znoŭ adciskajuć usich u bok vulicy Enhielsa.
18:05. Ludziej adciskajuć u bok vulicy Enhielsa. Milicyi vielmi šmat: čałaviek 100. Pałamali adnu vudzilna ad ściahu. Usiaho na Płoščy kala 50 čałaviek. Ludzi kryčać "Žyvie Biełaruś!".
18:01 Na Płoščy - kala 20 čałaviek. U asnoŭnym - maładafrontaŭcy. Jość Viačorka, Michalevič. Michalevič razharnuŭ pieršy ściah. Razhortvaje ściah Małady Front. Ludzi hukajuć "Niezaležnaść".
Milicyi paboleła, jana sprabuje vyrvać ściahi. Prybieh AMAP.
U niekatorych karespandentaŭ praviarajuć sumki. Milicyjantaŭ pakul tolki siamiora. Pakul usio cicha, spakojna, kamerna.