«U tak zvanuju supolnaść destruktyŭnych elementaŭ uvachodzić usiaho 1 767 asobaŭ. My ich usich viedajem pajmienna, i ich nia robicca ni bolš, ni mienš», — zajaviŭ u sieradu staršynia KDB Jury Žadobin, havoračy pra apazycyju.
Adkazvajučy siońnia na pytańni žurnalistaŭ, Jury Žadobin siarod inšaha zajaviŭ, što prahnazuje aktyvizacyju zamiežnych specsłužbaŭ u peryjad vybarčaj kampanii 2008 hodu. «Ja ŭ hetym upeŭnieny, bo ŭ mianie jość faktalahičny materyjał: chto, kolki hrošaj i praz kaho budzie ŭkidvać i što jany buduć sprabavać rabić».
Havoračy pra apazycyju, staršynia KDB adznačyŭ: «Ja b nie skazaŭ, što jany ŭjaŭlajuć niejkuju pahrozu nacyjanalnaj biaśpiecy, u tak zvanuju supolnaść destruktyŭnych elementaŭ uvachodzić usiaho 1 767 asobaŭ. My ich usich viedajem pajmienna, i ich nia robicca ni bolš, ni mienš».
Nazyvańnie apazycyi «supolnaściu destruktyŭnych elementaŭ» maje ŭsie šancy stać takoj ža prytčaj va jazycach, jak «dochłyja pacuki» jahonaha papiarednika, hienerała Sucharenki, jaki biassłaŭna skončyŭ svaju karjeru ŭ orhanach biaśpieki. A voś pryznańnie, što «ich nia robicca mienš» moža nie spadabacca pracadaŭcu hienerała. Jakaja ž stupień destruktyŭnaści hetaj supolnaści, što jaje navat śmierć nie biare?
