 Alaksandar Źdźvižkoŭ |
Pačaŭsia sudovy praces u spravie byłoha namieśnika hałoŭnaha redaktara hazety «Zhoda» Alaksandra Źdźvižkova. Jaho abvinavačvajuć u parušeńni artykułu 130 č 2. KK «Raspalvańnie relihijnaj varažniečy». Praces viadzie sudździa Rusłan Aniskievič, jon vioŭ kryminalny praces piaci «maładafrontaŭcaŭ» u traŭni.
Źdźvižkoŭ ad 18 listapada 2007 h. znachodzicca pad vartaj u śledčym izalatary KDB, dzie jamu nie dazvalali sustrecca z advakatkaj Maryjaj Alaksandravaj. Jaho aryštavali tady, kali jon z‑za miažy pryjechaŭ adviedać mahiłu baćki ŭ Barysaŭ. Pavodle infarmacyi svajakoŭ Źdźvižkova, jon chavaŭsia ŭ manastyry ci to ŭ Rasiei, ci va Ŭkrainie.
Kryminalnaja sprava suprać žurnalista była zaviedziena ŭ 2006 hodzie pa fakcie pieradruku ŭ hazecie «Zhoda» karykatur na praroka Muchameda z dackaj presy. Pa hetym artykule jamu moža pahražać da 10 hadoŭ źniavoleńnia.
Amal adrazu Alaksandar Źdźvižkoŭ zajaviŭ chadatajnictva ab advodzie sudździ, jaki nibyta dapamaje prakarutary pieraśledvać jaho jak pravasłaŭnaha viernika.
Padčas pierapynku ŭsich paprasili pakinuć zalu. Kali ž žurnalisty apoŭdni zazirnuli ŭ jaje, akazałasia, što praces praciahvajecca ŭ zakrytym režymie, i ŭ zalu ŭžo nikoha nie puścili. Žurnalisty sprabavali atrymać aficyjnaje paćvierdžańnie taho, što praces zakryty. Staršynia sud Michaił Ardziaka padtrymaŭ presu.
Sudździa Aniskievič pierapaprasiŭ žurnalistaŭ za toje, što nie abjaviŭ im pra toje, što praces zakryty. Vynikovaja častka prysudu budzie abvieščana publična.
Rašeńnie zadavolić chadajnictva dziaržabvinavaŭcy pra pieravod pracesu ŭ zakryty režym sud patłumačyŭ tym, što infarmacyja z pracesu, jakaja patrapić u presu, moža abrazić pačućci musulman.
Praces nad Alaksandram Źdźvižkovym praciahniecca ŭ paniadziełak 14 studzienia.
