U nazvany pieryjad praz servis kantekstnaj rekłamy Google AdWords raspaŭsiudžvałasia rekłama abortaŭ, što supiarečyć nie tolki rasijskamu zakanadaŭstvu, ale i praviłam samoj kampanii.
Za parušeńnie Google musić vypłacić štraf u pamiery 100 tysiač rasijskich rubloŭ (blizu 1500 dalaraŭ), minimalna mahčymuju sumu zhodna z rasijskim zakonam «Ab rekłamie». Razam z Google na tuju ža sumu aštrafavanyja dva rekłamadaŭcy.
Jak i rekłama azartnych hulniaŭ, rekłama abortaŭ niedapuščalnaja ŭ servisach Google, ale niedabrasumlennyja rekłamadaŭcy časam «prabivajucca» praz aŭtamatyčnyja filtry, śćviardžaje kampanija.
Skarhu na niby naŭmysnuju rekłamu abortaŭ Google i «Jandeksam» u FAS nakiravała ŭ kastryčniku 2014 hoda rasijskaja Liha biaśpiečnaha internetu. Tady «Jandeks» vykazvaŭ mierkavańnie ab tym, što Liha biaśpiečnaha internetu pierabłytała rekłamu z vynikam pošukavaj vydačy.
