Ukrainski nardep ad «Radykalnaj partyi» Źmicier Lińko sustreŭ u Strasburhu lidara rasijskich kamunistaŭ Ziuhanava i abliŭ taho kryvioju, papiarednie «daŭšy pa varožaj pysie».
Ab hetym paviedamlaje sam nardep na svajoj staroncy ŭ Fejsbuku.
«Razam z ukrainskaj supolnaściu Strasburha i paplečnikami z frakcyi Radykalnaj partyi Aleha Laška va ŭkrainskim parłamiencie, my pikietavali budynak PARIE patrabujučy pazbavić hołasu rasijskuju delehacyju.
U chodzie praviadzieńnia pikietu źjaviłasia pravakatarša sa ściaham DNR. Anuča była nieadkładna źniščana kambatami-nardepami Arciomam Vitko i Źmitrom Lińkom. Kali źjaviłasia rasijskaja delehacyja, a mienavita — lidar KPRF Hienadź Ziuhanaŭ, patryjoty-radykały pad skandavańnie «na vašych rukach kroŭ našych bratoŭ» zalili pasłancoŭ kryvavaj Maskvy kryvioju.
Kamuniaki-rašysty dali rady tolki vykrykvać «i tut banderaŭcy». My pieramožam, i na Danbasie, i ŭ Krymie, i ŭ Jeŭropie!!», — piša Źmicier Łyńko.
Varta adznačyć, što partyja KPRF nie adnojčy vykazvałasia ŭ padtrymku «apałčencaŭ» Danbasa, a niekatoryja navat abvinavačvajuć jaje ŭ niepasrednaj viarboŭcy bajevikoŭ.
