rbc.ua
Na padkantrolnych Ukrainie terytoryjach Danbasa terarysty pakidajuć cacki z umantavanaj u ich vybuchoŭkaj. Pra heta zajaviŭ premjer-ministr Ukrainy Arsienij Jacaniuk padčas vyjaznoha pasiadžeńnia Dziaržaŭnaj kamisii pa nadzvyčajnych situacyjach ŭ Zaparožžy.
«U Słaviansku, Lisičansku, na inšych terytoryjach … Da čaho hetyja pačvary pryjšli: u dziciačych cackach maskirujuć vybuchoŭku», - zajaviŭ Jacaniuk.
Jon prademanstravaŭ prysutnym i presie niekalki zdymkaŭ dziciačych cacak z vybuchoŭkaj unutry.
«Tut miač i dziciačaja lalka. U siaredzinie — vybuchoŭka. Jašče adzin zdymak — hetaja knižka była na łaŭcy ŭ parku adpačynku ŭ Słaviansku. Abo dziciačaja mašynka — taksama z vybuchovaj pryładaj… Jašče adzin fakt — na spartyŭnaj placoŭcy butelka z-pad hazavaha napoju — heta padrychtavany hazavy bałon, što zakłali rasijskija terarysty. Čamu ja heta pytańnie padymaju …. heta datyčycca ŭsich členaŭ Dziaržaŭnaj nadzvyčajnaj kamisii — śpiecyjalnaje zadańnie vam — heta infarmavańnie nasielnictva ab niebiaśpiecy i toje, što hetyja žyvioły ničym nie hrebujuć i mantujuć u dziciačuju cacku vybuchoŭku. Tamu za vami abjektyŭna — heta miery pa abiasškodžvańni, ale pierad tym, jak abiasškodzić — heta šyrokaje infarmavańnie nasielnictva», — daručyŭ premjer Ukrainy.
